Nongpoh, Nailur 21: Uwei u Dribar jong kwei ka Trok kit Gas u la duh noh ïa la ka jingim bad u Nongbud u la mynsaw jur, hadien ba katei ka Trok ka la leit ban tynrah ïa kawei ka kali bad tynrag ruh ïa u Divider haduh ba katei kaTrok ka la julor phum na ki bynta ba shakhmat.
Kane ka jingjïa ka la jia ha Umrangksai ba hap ha ka National Highway-6 ha Ri Bhoi ha ka por 10.30 mynmiet bad katei ka Trok ka don ïa u number AS-04-4201 kaba dangwan na Silchar ban leit sha Guwahati, hynrei haba poi ha katei ka jaka ka la leit ban tynrah ïa kwei ka kali haduh ba utei u dribar u la duh ïa la ka jingim bad u nongbud u la mynsaw ba la rah noh mardor sha Civil Hospital Nongpoh ban ïoh ïa ka jingsumar.
Kumba la ïoh lum jingtip la ong ba ki Doctor ki la pynbna ba u dribar u la khlad noh hadien ba utei u dribar u la poi ha Hospital na ka daw ka jingmynsaw jur.
La ïathuh ruh u dribar ba la duh noh ïa la ka jingim la tip kyrteng kum Achik Barbuyia bad u nongbud katei ka trok pat kum u Sunil Nath kiba dei na ka jylla Assam.
Na ka liang ki bor Pulit ka Ri Bhoi ki dang pynling ïa ka jingtohkit halor kane k jingjia ban tip ïa ka tynrai jongka jingjia khnang ban leh katkum ki kyndon jingka aiñ.
