Shillong, Nailur, 21: Ka Myntri ka Koit ka Khiah ka jylla, Kong Ampareen Lyngdoh haka sngi Ba-ar ka la ïathuh ba ki la don haduh palat 1,375 ngut ki nongpang cancer (bampong) ha ka jylla kiba ïoh ïa ka jingsumar lyngba ka skim Megha Health Insurance Scheme (MHIS) naduh u bnai Kyllalyngkot haduh Nailar 2023.
La pyntip ruh ba na kine, 528 ngut ki dei ki kynthei bad 847 ki dei ki shynrang.
Haba jubab halor ka jingïatai lyngkot ha Ïing Dorbar, ka Myntri ka la pyntip ruh ba katto katne ki bynta ba kongsan ha ka MHIS 6 – PMJAY, ka Myntri ka la ong ba ka don ka jingpynkiew haduh 5,30,000 tyngka kawei ka longïing ha ka shisnem kynthup ïa ka 30,000 tyngka ha ka OPD, khlem da buh jingkhang ïa ka jingheh ka longïing bad ba ka skim kan bteng ban kyrshan wat ïa ki jingpang kiba la don lypa.
