Nongpoh, Nailar 28: Uwei u rangbah bala tip kyrteng kum u Tuma Namsaw naka shnong Umdenla-ang, Ri-Bhoi District u la khlad noh hashen hadien ka jingjia aksiden kaba la jia hynne ka step ha surok bah NH-6 haka shnong 19 mer ha Ri-Bhoi.
Katkum ka khubor bala iohlum la ong ba katei ka jingjia kala jia haka por 1:30 eiei mynstep jong ka 28 tarik Nailar, ha kaba utei u rangbah u la ñiah da ka scooty kaba don ïa u Number ML 10 C 5693 u ba dang mih naka thaiñ Byrnihat, hynrei ynda poi haka shnong 19 mer utei u rangbah ba ñiah ïa katei ka scooty u la leit ban tynrah nadien ïa kawei ka trok kit atta kaba don ïa u number AS 01 GC 8527 haduh ba un da mynsaw jur ba khlad noh syndon na kane ka sla pyrthei, katba u nongñiah katei ka trok u la phet krad na katei ka jaka.
Naka liang ki pulit ka Byrnihat Police Outpost kila leit mar mar sha katei ka jaka ban pynlong ka jingtohkit bad ïaka met jong utei u rangbah la rah noh sha Civil Hospital Nongpoh naka bynta ka post mortem.
