Mairang, Nailar, 28: Ka District Legal Services Authority (DLSA) West Khasi Hills District, Nongstoin, mynta ka sngi ka 27 Tarik Nailar, kala leit ban pynlong biang ïa ka prokram ban pynsngewthuh halor ki aiñ ki kanun, ha SGSY Hall jong ka shnong Nongshillong kaba hap hapoh ka Mawthadraishan C&RD Block, Eastern West Khasi Hills District.
Ki ba la wan ban ai jinghikai ha katei ka sngi halor katei ka phang m ki long u bah D.D Diengdoh LAC ba la kren shaphang ka jingpyndik ïa ki kynthei ha ki jaka trei (Prevention, Prohibition, and Redressal) aiñ 2013, ka jingïoh ïa ki jingïarap aiñ ha kaba ïadei bad ki nongshah lehbeiñ bad ka jingïoh jingtip ha kaba ïadei bad ka skhim bai lutksan ha ka jylla, bad ka aiñ 2005 ka jingiada ia ki kynthei na ka jingshah thombor ha ïing ha sem. Bad ka kong K. Marwein LAC bala kren shaphang ka Meghalaya Community Participation and Public Services Audit Act 2017 bad ka Meghalaya Community Participation and Public Services Audit Act 2019.
Ha katei ka prokram la wan sakhi da ki nongtrei ophis na ki ophis treikam bapher bapher jong ka dong ka thaiñ, ki Self Help Group (SHG), BRP Maw thadraishan, ICDS, ki Sordar bad kiwei de.Ha katei ka prokram kala don ruh ka jingïakren kaba la wanrah shibun ki jingtip bad ki jingmyntoi ïa baroh kiba wan.
