Nongpoh, Nohprah 22: U wei u rangbah u la khlad noh syndon hashen hadien ba u la shah tynrah ha ka kali ka bym shym la ithuh lane ïoh bat ha surok Shillong Bye pass haka shnong Umeit katba u dang ïaid lynti
Katkum ka jingïoh lum khubor bala ïoh lum la ong ba katei ka jingjia kala jia hynnin ka janmiet haka por 6 baje eiei ha kaba utei u rangbah briew uba la tip kyrteng u Standshanding Kharkongngor uba la Don 46 snem, u dang wan phai na jaka bylla ban leit sha la ïing, hynrei kawei ka kali ka leit ban tynrah ïa utei u rangbah briew haduh ba un da mynsaw jur bad khlad noh syndon na kane ka sla pyrthei khlem da ïoh bat shuh ïa katei ka kali.
Na ka liang ka bor pulit Umiam PS mar sien ïoh jingtip halor katei ka jingjia ki la hiar wut wut sha katei ka jaka bad ka jingtohkit ka dang ïaid shakhmat ban ïohkem ïa katei ka kali.
