Shillong, Lber 12 : Mynta ka sngi u myntri rangbah ka jylla u Conrad K Sangma bad u bah Prestone Tynsong Symbud Myntri Rangbah ba nyngkong ka jylla mynta ka sngi ki la leit ban ïa kynduh ïa u Symbud President ka Ri India u Jagdeep Dhankar ha nongbah Delhi ban ai khublei ïa u.
U Myntri Rangbah bad u Symbud Myntri Rangbah ha ka jingleit jong ki sha Delhi, kila ïa kynduh ruh ïa ka President ka Ri India ka Droupadi Murmu ha ka sngi Saitjaiñ.
Ka jingïakynduh ka long ruh ïa ka myntri pla pisa jong ka Ri India ka Nirmala Sitharaman bad ha kane ka jingïakynduh na ka liang jong u myntri rangbah ka jylla ryngkat u symbud myntri rangbah ki khmih lynti ba kin ïoh ïa ka jingïatreilang na ka sorkar pdeng bad kane ka sorkar MDA-2 na ka bynta ka roi ka par jong ka jylla Meghalaya.
Kane ka jingleit jong u myntri rangbah ka jylla bad u symbud myntri rangbah ka jylla ban ïa kynduh ïa ka president, ka myntri pla pisa ka Ri India bad mynta ka sngi u symbud president ka Ri India ka long ban leit ai khublei ba ki la wan biang ha ka sorkar ha Meghalaya.
