Khliehriat, Naiwieng 14 : Ka lympung ïalehkai jong ka kyrdan Super Division Football Tournament 2023 kaba la long mynta ka sngi ha madan Deinchynrum, EJHD bala pynïaid da ka East Jaiñtia Hills District Football Association (EJHDFA).
Haba phai sha ka jingïakhun kaba nyngkong kila poi sha ka jingïakhaid khlem da don kiba thep kol (0-0) kaba la long hapdeng ka kynhun ïalehkai jong ka Khliehriat West YWSC pyrshah ïaka Thangskai Tiger SC.
Katba ha ka jingïakhun kaba ar kaba la long hapdeng ka Dhana SC bad ka Moolamanoh SC kine ruh kila poi sha ka jingïakhaid da mar shikol (1-1), ïa ka shikol na ka Dhana SC la thep da u Chirup Sumer haka minit ba 63 bad na ka liang ka Moolamanoh SC la thep da u Eriston Dkhar haka minit ba 33.
Ka jingïakhun haka 18.11.2023 kan long hapdeng ka R. Shkenshynriah SC pyrshah ïa ka Khliehriat West YWSC bad ka Moolamanoh SC pyrshah ïa ka R. Wahshnong SC.
