Shillong, Iaiong 24: Hadien ka jingïalang bishar kam bad u District Election Officer (DEO), Returning Officer bad ka tnat Pulit na ka bynta ban pynkhreh ïa ka ilekshon ha Sohiong, u Chief Electoral Officer (CEO) ka Jylla bah F.R Kharkongor ula ïathuh ba ka jingpynkhreh ïa ka ilekshon kala ïaid shaid shaid.
U bah F.R Kharkongor ula ïathuh ba kane ka elekshon ka long kaba kynjah bha bad naka liang ka tnat Ministry of Home Affairs (MHA) bad ka Election Commission of India (ECI) ka la phah 5 pyrton ki Pulit CAPF naka bynta ban peitngor ha kane ka ilekshon.
Ula ïathuh ba haduh mynta 60 tylli ki suloi la wan aiti katkum ki kyndon ka CrPC bad 24 ngut ki briew ki la shah pyngat katkum ki kyndon ka the preventive section.
La iathuh ruh ba ki Pulit ki la pynïeng 3 tylli ki jaka talasi bad haduh mynta 8 tylli ki Case la pyngat hapoh ki kyndon Non-available Warrants bad la bthah ruh ïa ki Sector officers bad Zonal Officers ban jurip ïa ki Polling Stations.
Iaka Sohiong constituency la phiah ha ki 2 tylli ki Sector bad 6 tylli ki Zone ha kaba 34,000 ngut ki paidbah ki don ïaka hok ban Vote ha ki 63 tylli ki Polling Stations.
Naka liang u CEO ruh un leit da lade ban jurip ïa ki Polling Stations kiba don haduh ki khappud jong ka Ri-Bhoi district haduh ki khappud ka Eastern West Khasi Hills Mairang.
