Shillong, Jymmang 1 : U Deputy Commissioner jongka East Garo Gukks u la pynmih ïa ka jingbthah na ka bynta ki paidbah kiba ïaid ba ïeng lyngba ka surok bah NH 127B kaba dei naduh Williamnagar shaduh Darugre namar ba ka dei ka por slap bad kumjuh ruh ba ïa katei ka surok dang ïaid ka jingshna mynta.
U la bthah ba ka jinglong jingman ka surok ka lah ban buh ha ka jingma namar ka jingslap. “ Namar ba dang shna ïa kane ka surok bah bad namar ba dei ha ka por slap la bthah ïa ki paidbah ba ïaid ba ïeng ba kin husiar bad phikir bha haba leit ba wan na katei ka surok naduh Williamnagar shaduh Darugre”.
Na ka daw ka jingslap ki don katto katne ki bynta kiba don ruh ha ka jingma. Ka surok ka lah ban ktieh bad btuit bha ban ïaid ki kali ha ka por slap namar ka jinglang um bad jingjem ka khyndew.
La bthah ïa ki nongniah ba kin niah kat ban biang ka speed ban ïaid jngai na kawei pat ka kali bad ban bud ryntih ruh ïa ki kyndon pyniaid kali. Kiar na kaba ïaknieh ïaid shakhmat ha ki jaka ba dang shna.
Dei ruh ban da phikir bha haba ïaid najan ki mashin kiba pyntrei khamtam kiba dang trei ha ki jaka ba khun bha ka surok. La bthah ruh ban kiar na kaba ïaid mynmiet na katei ka surok namar kam jynjar bha ban ïohi.
Lada donkam ban phone ne pyntip ban ïoh jingïarap kyrkieh phone ha unumber u Kamlesh Kumar Pandey Highway Engineer 9366994594 bad u Pankaj Singh Highway Engineer 9140579871.
