Shillong, Jymmang 01: Ka Parliamentary Standing Committee ka la leit jngoh ïa ki jaka pynroi sha ki nongkyndong. Ha katei ka Committee kaba la khlieh da u shongknor, u Saptagiri Sankar Ulaka, u MP ka Lok Sabha bad ha kane ka kynhun kila don 24 ngut ki dkhot.
Ha katei ka jingleit jngoh, ka Committee ka la leit ïa kynduh ïa ka Shella Bholaganj C&RD Block na ka bynta ban jurip ïa ka skhim PMAY-G bad PMGSY RD ha Sohra bad la don ruh ka prokram ïamir jingmut ha ka shnong Laitmawsiang, ha kaba kitei ki dkhot ki la ïakren bad ki dkhot jong ka SHG bad ki nongïoh bynta jong kane ka skhim.
Hadien katei, la don ka jingïalang ha ka nongbah Shillong, ha kaba la don lang u shongknor, u Saleng A. Sangma, uwei na ki dkhot jong ka MP, lem bad kiwei ki heh jong ki tnad bapher bapher jong ka sorkar jylla bad State Bank jong ka Ri India.
Ka State Level banking Committee (SLBC) kaba dei ka nongkhot ki bank ha East Khasi Hills District, ha kaba iadei bad ka jingthmu halor ki prokram bapher bapher bad ki skhim kiba la pyntrei ha kane ka jylla.
