Hiar ki nongïalam Hima Nonglang bad ka HYC West Khasi Hills sha ka shnong Malchapara

Pynphai kloi ki jaka ka WKH ne ngin pynjur jingïakhih: Hima Nonglang bad HYC

0

Nongstoiñ, Lber, 28: Ka Hima Nonglang hapoh ka jingïalam u Secretary Babu Birbor Riangtem bad samla Lumlang Kharsyiemlieh President HYC West Khasi Hill District, ha ka sngi hat majai, ki la hiar sha shnong Malchapara bad la ïoh ban pynlong ïa ka jingïalang bad la pynsngew ïa ka jingeh ba ki ïakynduh, hadien ka jingpynngat jubor ha Assam da ka Sorkar MDA ba la ïalam u Conrad Sangma lyngba ka MOU.
Haba kren bad ki nongthoh khubor, u Babu Birbor Riangtem Secretary Hima Nonglang Sirdarship, u la ong ba ha ka taiew ba la dep, ka don ka jingïakynad malu mala bad ki pulit Assam, ha kaba ki la kem ar ngut ki briew kumba u Syiem Hima Nonglang bad ka HYC WKHD ha ka taiew ba la dep ki la dep ujor ha u DC ka West Khasi Hills.
Mynta lei ki la thwet sa kumba 25 ngut kiba la hap mareh bad phet sha khlaw. La ong ba la 13 sngi ki pulit ka Boko Police Station ki wan thwet man ka miet, kaba la wanrah jingma sha ka shnong ka thaw bad ban ki hap phet sha khlaw.
U Samla Lumlang Kharsyiemlieh President HYC WKHD, u la ong naduh ka MOU beaiñ jong ka Sorkar MDA ba la ïalam da u Conrad K Sangma, kumba 12 ki Shnong ki hap noh ha Assam, kat haduh ba ka la pynjynjar shisha ïa ki paidbah. U la ong ba ki paidbah ki la ïai dawa ban wanphai noh sha Meglalaya, hynrei ka sorkar Jylla kam man sngap satia.
“Na ka liang ka Seng ngi dawa ba ka MDA 2 kan pynbeit kloi, namar ka nuksa ngi lap hangne ha Machalpara, ba na ka 108 Ïing tang 35 ïing ki mon ha Assam hynrei 73 kim kwah ban leit jubor sha Assam. Ka seng ka dawa ban pynphai kloi lym kumta ngi ka HYC bad Hima Nonglang, ngi la khreh ban ïakhih khlem pud. Ngin ïakhun ba dei ban pynphai beit ïa ki briew lajong khamtam ka jaka ka West Khasi Hills kaba ngi la duh katne katne”, u la ong.

Leave A Reply

Your email address will not be published.