Hapoh u Nailar, 2024 bthah ka Sorkar ban tei pyndep ïa ka Assembly ha Mawdiangdiang

Shillong, Risaw, 26: U Symbud Myntri Rangbah ka Jylla uba peit ïa ka tnat PWD (Buildings) u Bah Prestone Tynsong ha ka sngi Palei uba la pynïaid ïa ka jingpyrkhat kam ne ka Review Meeting u la ïathuh ba la bthah ban pyndep ïa ka jingtei ïa ka Ingdorbar Thawaiñ ba thymmai ha Mawdiangdiang, New Shillong ha u Nailar, 2024.
Ha ka jingïakren bad ki lad pathai khubor, u Bah Tynsong u la ong, “ngin la ïathir ïatai ïa baroh ki jingdonkam bad mynta ka kam ka la nang ïaid shakhmat bad nga kyrmen ba kin sa lah ban pyndep katkum ka tarik ba la buh da ka Sorkar bad kata kan long ha lane shwa jong u Nailar, 2024.”
U Bah Tynsong u la ïathuh ba ka jingshna ïa u tnum pyllun uba thymmai ruh yn sa sdang noh shen.
“Mynta, ha ka jingshisha ki ladep pynkhuid ïa baroh ki synrum bad ka jingshna ïa u nongrim ka la ïaid shaid shaid bad mynta ki ladep thied ruh ïa ki Prefab bad shen yn sa pynpoi sha kane ka jkaa bad kin sa sdang ban pyndait biang,” ula ong.
U Symbud Myntri Rangbah u la ong, “ka jingpynlut pisa tam na ka jingkhyllem jong u tnum pyllun kam don hynrei ka jingpynlut pisa ha kaba ïadei bad ka jingthied ïa kiwei pat ki tiar bad ngam don lut ïa ki jingtip kiba bniah bad nga mynta namarba ngi donkam ban dang ïathir ïatai biang sa shisien ha ka High Powered Committee namarba ka jingpyrkhat kam mynta ka dei beit thik tang ka tnat PWD Builidngs bad ki Contractor bad kumjuh ruh bad ka PMC.”
U la pynpaw ruh ba ka Ingdorbar Thawaiñ kan sa ïoh ban shong ïa ka dorbar banyngkong eh ha kane ka Ingdorbbar Thawaiñ ba thymmai ha ka Dorbar Synrai ka ban sa long.