Nongstoiñ, Nailar 9: Kawei ka trok na Jharkhand, ka la hap ha ka janmiet sngi palei shapoh kawei ka riat ha ka shnong Rwiang, West Khasi Hils bad ha kane ka jingjia, u nongbud jong kane ka trok, u la ïap hashen.
Kane ka trok ba don u number JH04-AB-1503, ka dei kaba dang wan na Durgapur, West Bengal bad ka thmu ban leit sha ka karkhana ha Rwiang. Ki Pulit ki ïathuh ba u nongbud jong kane ka trok ba kyrteng u S Kumar ba na Jharkhad, u la hap nalor ka trok ha ka por ba ka kylla bad u la shah ban ha kane ka trok.
Da ka jingïarap ki pulit Fire & Emergency Service, ïa ka met jong une u nongbud la lah ban sei noh na kane ka jaka ha ka por 7:10 baje eiei. Katba u nongñiah u la mynsaw jur bad la pynkit ïa u sha hospital ban ïoh ïa ka jingsumar.
