Jowai, Ïaïong 03: U Deputy Commissioner & Chairman ka District Rural Development Agency, West Jaiñtia Hills District ula pyntip ba ka sorkar Kmie lyngba Unique Identification Authority of Indai (UIDIA) ka la pynkylla ïa ka Aadhaar (Enrollment and Update) (Tenth Amendment) Regulations 2022, khnang ban pynshlur ïa ki paidbah ban pynthymmai (update) ïa ki kot ki sla ha ka jingïadei bad u Aadhaar jong ki ba kin ïoh shibun ki jingmyntoi bad jingpynshai kaba biang na ka bynta u Aadhaar jong ki.
Halor kane na ka liang ka sorkar ka la ai por 3 bnai naduh 15.03.2023 haduh ka 14.06.2023 ban pynthymmai ïa ki kot ki sla (Proof of Identity & proof of Address) ha ka jingïadei bad u Aadhaar khlem da donkam ban siew katta da kaba leit lyngba ka my Aadhaar (SSUP) Portal http://myaadhaar.uidai.gov.in/
La pyntip ba ym lah ruh ban phah pateng ha kiwei ne ban wan pynpoi palat ïa katei ka por ba la kdew haneng. Kane ka long kat kum ka jingpyllait khubor u Hony. General Secretary ka WJDSA.
