Shillong, Rymphang 05 : Ki la don haduh 30 ngut ki kyrtong kiba la dep ban thep kyrteng tang na East Khasi Hills ha kane ka sngi Saitjaiñ, ka 04tairk Rymphang.
Lada ïaid katkum ki party ba ki ïakhun, ki la don haduh 10 ngut ki kyrtong ka VPP ba thep kyrteng ha kane ka sngi, kine ki kynthup ïa u Nongïalam ba rangbah ka party, Bah Ardent Miller Basaïawmoit na Nongkrem, Bah Adelbert Nongrum na North Shillong, Bah Raja Jyrwa na West Shillong, Bah Heaving Stone Kharpran na Mawryngkneng, Bah Doristar Marbaniang na Mawphlang, Bah Brighstar Marbaniang na Mawlai, Bah Manbhalang Thabah na Pynursla, Bah Winstone Tony Lyngdoh na Nongthymmai, Bah Avener Pariat na East Shillong bad Bah Danny Langstieh na South Shillong
Na ka NPP pat ki la don haduh 9 ngut, kata kynthup ïa u National Vice President ka Party, Bah Prestone Tynsong na Pynursla, Bah Samlin Malngiang na Sohiong, Bah Kansing Lyngsiang na Mawkynrew, Bah Teibor Pathaw na Mawlai, Bah Kennedy Khyriem na Mawphlang, Bah Ransom Sutnga na North Shillong, Bah Alvin Sawkmie na Mawsynram bad Kong Grace Mary Kharpuri na Shella constituency.
Na ka TMC pat ki kyrtong kiba thep kyrteng ki don saw ngut, kata ka Kong Elgiva Rynjah na North Shillong, Bah Gilbert Laloo na Mylliem, Bah Vincent Sangma na Mawsynram bad Bah Stepborn Kupar Ryndem na Mawlai.
Na ka Congress ruh ki don sawngut, kata u Bah Esron Marwein na Mawryngkneng, Dr. Banidashisha Kharkongor na Nongthymmai, Lakyntiew Sohkhlet na Sohra bad Bah Wellborn Bynnud na Shella constituency.
Na ka UDP pat ki don arngut ba kynthup ïa u Bah M Beyondstar Kurbah na Mawphlang bad u Bah PT Sawkmie na Mawlai.
Na Mawkynrew pat dei tang u Bah Martle N Mukhim kyrtong ka HSPDP ba thep kyrteng ha kane ka sngi.
