Ha u DMHO ujor ka JNC halor ka jinglip bor ding ba neh jan saw bnai ha Tuber Sub- centre

Khliehriat nailar 10: Ka Jaiñtia National Council kaba hapoh ka jingïalam u Finance Secretary, u bah Training Phawa, mynta ka sngi ka la leit ban iakynduh ïa u District Medical Health Officer jong ka East Jaiñtia Hills District bad ha kajuh ka por ka seng ka la buh da ka jingujor halor ka jing bym don bor ding ha Sub Centre kaba don ha shnong Tuber kaba la jan don mynta saw bnai, ka seng ka la pynpaw ka jingsngew khia halor ka jingbym biang bor ding katei ka jaka ai jingsumar.
Na ka liang ka seng ka la pan jingpynshai na u DMHO ka East Jaiñtia Hills District, u Dr D.Shylla bad ka seng ka la kyntu jur ruh ïa ka office u DMHO ba dei ban pynbiang lut ïa ki jingdonkam ha ki jaka ai jingsumar khamtam sha kito kiba don sha ki thaiñ nongkyndong kiba jngai na sor, khnang ba ki paidbah kin nym kynduh jingeh haba wan lap ka pang ka shitom.
La ong ruh ba na ka liang u DMHO, u la kular hakhmat ka seng ba un shimkhia ïa kane ka kam bad ban phah ruh wut wut ïa ki ba dei ban peit ïa ka jaka ai jingsumar bad khamtam ban shim khia ruh ha kaba iadei bad ka jingbiang ka bor ding ha ki jaka ai jingsumar ka ban long na ka bynta ka jingbit jingbiang ki paidbah khamtam kiba pang ba shitom.