Shillong, Rymphang 20 : Ha ka sien kaba nyngkong eh ha ka history jong ka jingïalehkai phutbol hapoh ka Jylla, ka Meghalaya ka la ïoh rung sha ka semifinal jong ka lympung ïalehkai Santosh Trophy kaba la tip kum ka 76th National Football Championship for Hero Santosh Trophy 2022-23.
Ïa ka jingpynïalehkai semi-final bad final yn pynlong ha ka 1 tarik bad 4 tarik Lber 2023 ha King Fahd International Stadium ha Riyadh, Saudi Arabia. Ka kynhun hadien ba ka la lah ban pyndep ha ka kyrdan ba hakhlieh na ka jingïalehkai Group stage, kaba la sdang naduh ka 23 tarik Nohprah 2022 haduh ka 1 tarik Kyllalyngkot 2023, ka Meghalaya ka la ïoh ban ïalehkai ïa ka wat kaba khatduh ha Odisha naduh ka 10 tarik haduh ka 20 tarik Rymphang 2023.
Ka Meghalaya ka don lang ha ka group ryngkat ka West Bengal, Delhi, Manipur, Services bad Railways bad pyndep ha ka kyrdan ba ar na ka miej kheiñ poiñ bad rung sha ka semifinal. Ka Meghalaya kan ïakhun pyrshah ïa ka Punjab ha ka 1 tarik Lber 2023 ha ka jingïakhun semifinal.
Ki rangïalehkai jong ka Meghalaya kiba ïashim bynta ha ka Santosh Trophy, u Rajat Paul Lyngdoh, Banskhemlang Mawlong, Allen Camper Lyngdoh Nongbri, Henry-ford Nongneng, Bro-lington Warlarpih, Ronney Willson Kharbudon, Donlad diengdoh.
U Donborlang Nong-kynrih, Everbrightson Sana Mylliempdah, Manbhakupar Iawphniaw, Figo Syndai, Aibiang Mame Nongneng, Ronaldkydon Lyngdoh Nonglait, Kynsaibor Lhuid, Nikelson Bina, Fullmoon Mukhim, Donboklang Lyngdoh, Wanboklang Lyngkhoi, Dawanchwa Carlos Challam, Damonlang Pathaw, Banshanskhem Kharsyntiew bad u Guidle Syiemlieh
