Jowai, Jymmang 02: Ka sorkar jylla lyngba ka tnat Labour hynnin ka sngi 1 tarik u Jymmang ka la pyndonburom ïa ka sngi ki nongtreibylla ha jylla kumba la leh burom ha satlak jong ka Pyrthei, kane ka dei ka sien kaba nyngkong ba ka sorkar jylla rakhe ïa kane ka sngi kyrpang ki nongtrei bylla bad ka phang pdeng jong kane ka sngi “Ka Koit ka khiah bad ka jingshngaiñ ha jaka trei”.
Ha kane ka jinglehburom ka sorkar jylla, u Phagu Chauhan u Lat ka jylla, u shim ïa ka bynta ban pynkupburom ïa u Khroo Lamsalanki Pariat u trai shnong ka Tympang Ïawmusiang Jowai halor ki kam bhalang ka jong u bad ban seng ïa ka seng ki nongtreibylla sngi ha ki tnat sorkar, ki nongshna ïing, ki nongshetja skul, ïa ki nongtreibylla sngi bad ïa kiwei kiwei kiba duk ba kyrduh ba kin ïoh ïing khamtam ha Jaiñtia bad ha jylla Meghalaya ruh kumjuh.
Ha kane ka sngi la pynkupburom ruh ïa ka Sister Delina Lyngdoh jong ka Missionary Sisters of Mary Help of Christians bad ïa u R. Thabah, Secretary AITUC, Shillong.
