Nongpoh, Jymmang 02: Ki Pulit ka Ri Bhoi lyngba ka Anti Narcotic Team Force (ANTF) kum ka jingbteng ban rad dyngkhong ïa ki kam khaii tuh ïa u drok, hynnin ka janmiet ha ka por 9 baje ei ei janmiet ki la ioh ban bat ïa kawei ka Kali ba la suba ba ki kit tuh ïa u drok ban shalan sha Nongpoh ha kaba ki bor pulit ki la pynap shrip ïa ki ha Umling.
Kumba la ïathuh da u Heh Pulit ka Ri Bhoi, u Giri Prasad, kane ka jingioh bat ïa katei ka Kali ka dei hadien ba ki la ioh jingtip lypa bad da ka jingpynap shrip ha Umling ki la ioh ban bat ïa ka Kali bad la ioh ruh ban kem ïa ki saw ngut ba suba don kti kynthup ïa kawei ka samla kynthei.
Hadien ba la talasai na katei ka Kali la ioh ban kurup ïa u Drok Heroin ba shongdor kumba 20 lak bad la ioh kurup ruh ki thyrnia Injection kumba 11 tylli ryngkat 4 tylli ki Mobile Phone bad ka song pisa kaba Rs. 15,550 na kitei kiba suba khaïi tuh ïa u drok, ong utei u heh pulit ka Ri Bhoi.
Shuh shuh, u la pyntip ruh hadien ba la ioh kem ïa kitei ki saw ngut la pynlong ruh ka jingtohkit ban tip ñniah halor kitei ki kam khaïi drok bad ha kajuh ka por ruh la pynngad ïa ki katkum ka kyndon jong ka NDPS Act kaba dei ka kyndon aiñ kaba pynshitom halor ki kam khaïi tuh ïa ki drok, u la bynrap.
