Ha ka jaka ba ai sngewbha ka Riat Laban yn pynïaid da ka Ropeway ba T.138 klur na Lum Shyllong

Shillong, Kyllalyngkot 16 : Ka sorkar jylla lyngba ka jingtyrwa jongka tnad kam jngohkai pyrthei ( Tourism) ban wad lynti ïaid na kawei ka jaka sha Shillong Viewpoint ( Lum Shyllong) ka la rai ban thaw noh da ka Ropeway ka ban ïaid na katei ka jaka Shillong View Point bad hiar ha Forest Nursery Riat Laban. Kane kan long ka Ropeway kaba nyngkong ban shna itynnad bha ha kane ka jylla ha ka jingpynlut kaba 138 klur tyngka.
ïa kane ka jaka ba 1.84 hectares la ai sngewbha sha ka sorkar da ka Dorbar Shnong Riat Laban. Ha kane ka jaka yn tei ïaka iing ka ban buh ia ka Station Building, Concourse, maitenance room, ka kamra die ticket, ka ophis, ka jaka ban shong ban thiah ki nongap pahara, ka kamra ban shong ki paidbah ban ap ïaka ropeway, ka jaka ban pynieng kali bad ter ter.
Kumjuh ruh yn shna kumne hi ha katei kajaka Shillong View Point ruh kata ka jaka die ticket, ka ophis, ka jaka bam, ka jaka ïeng kali. Yn tei ruh 9 tylli ki paia ba ka ropeway kan ïaid.
Haba kren haka jingïalang u myntri rangbah u Conrad K Sangma u la ong ka kam jngohkai pyrthei ka dei kawei na ki kam ka ban kyntiew ïa ka ïoh ka kot bad ka kamai kajih jongka jylla bad kan kyntiew ruh ïa ki paidbah ha ka liang baroh. Naduh ba la plie ïa ki Homestay da ka skhim sorkar mynta ki la don haduh 2500 ki home stay ha ka jylla. Ka sorkar ka ai jinghikai kumno ban pynïaid ïa kine ki homestay bad kumno ban long kiba donakor haba ki wan ki nongwan jngohkai pyrthei. Ka sorkar ka la plie ruh ïaki 5 star hotel, ka kali ban kit ïaki nongwan jngohkai. Kine kin aikam ïa ki hajar ngut ki samla naduh sor haduh nongkyndong bad lyngba kane ka kam ki dang bun ki lad ki kabu ba ki samla kin ïoh.
Kane ka ropeway ruh ka long ka jingthmu ban ïarap aikam ai jam ïaki samla. Na ka liang u Myntri Rangbah u la ai khublei bad sngwenguh ïa ka Dorbar Raid Laban Pyllun kaba la ai sngewbha ïa kane ka jaka ban ioh sdang ïa kane ka ropeway projek.