Election MDC 2025: 24 ngut ki kyrtong ka VPP kiba thep kyrteng na East bad West Jaiñtia

0

Khliehriat, K’lyngkot, 30: Shiphew ngut ki kyrtong jong ka Voice of the People Party (VPP) na ki Constituency kiba hap hapoh ka East Jaiñtia Hills District bad 14 ngut ki kyrtong ka VPP na ki Constituency kiba hap ha West Jaiñtia Hills District ki la thep kyrteng ban ïakhun ïa ka elekshon MDC sha ka Iingdorbar Thawaiñ jong ka Jaiñtia Hills Autonomous District Council (JHADC) ha ka sngi Palei ha ophis jong u Deputy Commissioner ha Khliehriat bad ha ophis Deputy Commissioner ha Jowai.
Nalor kine ki kyrtong jong ka VPP, uwei pat u kyrtong ka seng Congress u ban ïakhun na Narpuh Constituency uba la thep kyrteng ha kane ka sngi u dei u Bah Grimlang Dkhar.
Ki shiphew ngut ki kyrtong jong ka VPP na East Jaiñtia Hills ki kynthup ïa u Bah Damewanhi Rymbai uba dei u Organising Secretary jong ka VPP East Jaiñtia Hills District, u ban aireng na Musniang Rangad Constituency, u Bah Lamsuk Langstang na Sutnga-Narwan Constituency, ka Kong Deiwi Tongper na Narpuh Constituency, ka Kong Lastborn Sympli na Sutnga-Nongkhlieh Constituency, u Bah Dakheiñkor Tangliang na Sumer Constituency, u Bah Levenson Suchiang na Bataw-Lakadong Constituency, u Bah Delmon Phawa na Tuber-Wapung Shnong Constituency, u Bah Soki Lapasam na Muthlong Sohkymphor Constituency, u Bah Tyngshaiñ Phawa na Khliehriat-Rymbai Constituency bad u Bah Prince Sukhlaiñ na Saipung-Nongkhlieh Constituency.
Ki 14 ngut ki kyrtong ka VPP West Jaiñtia Hills ki kynthup ïa u Bah Nahimaia Lamare na Mukhla-Ummulong Constituency, Bah Cresentus Susngi na Nangbah-Mihmyntdu Constituency, Bah Chanbor Rymbai na Moodop-Umladang Constituency, u Dr. Samely Shylla na Amwi-Khliehtyrshi Constituency, Bah Daeimi Liam na ka Shiliang-Myntang Constituency, Bah Hame Shaniah Suiam na Shangpung Constituency, Bah Sarlangki Dkhar na Barato-Mukroh Constituency, Bah Ïaibatlang Talang na Jowai South Constituency, Kong Darapbiang Mulieh na Mynsngat-Khanduli Constituency, Bah Yoowanmi Myria na Nartiang-Wahïajer Constituency, Bah Rimiki Niang na Mookaïaw Constituency, Bah T.Z. Dkhar na Raliang Constituency, Bah Closroy Laloo na Moodymmai-Nongkhroh Constituency bad Bah Thiyo Lapasam na Saphai-Sahsniang Constituency.
Kiwei pat kiba la thep kyrteng ha kane ka sngi ki long u Chief Executive Member (CEM) jong ka Jaiñtia Hills Autonomous District Council (JHADC) Bah Thombor Shiwat uba ïakhun na ka NPP na Moodop-Umladang Constituency, u Dr. D.I Kjam na Jowai North, u Bah Dikil Phawa uba ïakhun na ka NPP na Jowai South Constituency, u Bah Rimilanki Synnah uba ïakhun na ka UDP na Natiang-Wahïajer Constituency, u Bah Damïan S. War uba ïakhun na ka UDP na Mynsngat Khanduli Constituency, u Bah Fernando Sumer na ka UDP na Shangpung Constituency, u Bah Rioo Sten na ka UDP na Barato Mukroh Constituency, u Bah Welpard Suchiang na ka Congress na Raliang Constituency, u Bah Richard Singh Lyngdoh na ka Congress na Mynsoo-Nongjngi Constituency bad u Bison Roy Ïano na ka Congress na Raliang Constituency.
U Bah Treiborlang R. Suchen uba long u kyrtong monlang ba la pynieng hi da ki paidbah ka War West Constituency hapoh ka lama jong ka War West People Progressive Forum (WWPPF) uba la thep kyrteng ha ka sngi Palei ha ophis SDO Amlarem Civil Subdivision, West Jaiñtia Hills District ban ïakhun ïa ka elekshon MDC sha ka JHADC. Kum u kyrtong ula pan ka jingkyrshan na ki rangbah, longkmie, ki samla shynrang bad kynthei jong ka War West Constituency ban ai jingkyrshan ïa u ha kane ka elekshon.
Lai ngut kiwei pat ki kyrtong jong ka NPP na ka thaiñ War Jaiñtia kiba la thep kyrteng ha ophis ka Amlarem Sub-Division West Jaiñtia Hills District ki kynthup ïa ki ar ngut ki Sitting MDC kata u Bah Het Pohthmi na War West bad u Bah Holando Lamin na War Central, katba u Bah Wonly L. Chyrmang na War East ula thep kyrteng kum u kyrtong ba thymmai.

Leave A Reply

Your email address will not be published.