La pynlong ïa ka District-Level Children’s Science Congress ha Dkhiah, EJHD

By Mawphor Editor On Oct 17, 2026

????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????

Khliehriat Risaw 16: Ka Social Humanoid, kaba dei ka Nodal Agency for Meghalaya, kaba hapoh ka National Council for Science and Technology Communication (NCSTC), Department of Science and Technology, Government of India, mynta ka sngi ka la pynlong ïa ka District-Level Children’s Science Congress ha Dkhiah East Community Hall, East Jaiñtia Hills District bad kane ka prokram ka dei shibynta jong ka jingrakhe ïa ka 32nd National Children’s Science Congress (NCSC) 2026.
Ka kong Nevy Mary Dkhar kaba dei ka District Coordinator jong ka ophis jong u District School Education Officer, East Jaiñtia Hills District, ka la kren halor ka ka jinglah ka sorkar India ha kine ki 32 snem ha kaba pynshlur ïa ki khynnah skul ba kin sngewthuh ban tih bniah ïa ka jingstad Science bad kren ruh halor ka phangpdeng jong ka jingrakhe kaba ong “Science and Innovation for Sustainability,” ka la batai ba katba ki dang iaraoh ïa ka jingkiew ka roi ka par hynrei ha kaba iadei bad ka mariang pat ym lah ban ong ba ka dei ka roi ka par kaba shisha hynrei kaba lam pynbna sha ka jingpynjot, ka pynshlur ïa ki khynnah ba ki dei ban long kiba pyrkhat bha ban pyndonkam da kiwei ki buit ban poi sha ka jingjop ha ka jingim.
Na ka liang u nongsaiñdur ïa ka Social Humanoid, u Lakhan Prasad, haba kren ha ka prokram u la kren halor ki jingthmu jong kane ka prokram kaba long kum ka jingpynshlur ïa ki khynnah skul ba kin tei ïa ka rukom pyrkhat bad ban wad ïa ki lad ne ki buit da kaba ailad ïa kane ka rynsan ban pyni ïa ki sap ki phong bad ki jinglah jong ki khynnah ha kaba ïadei bad ka Science bad ki buit Science ba ki don, u pynshlur ïa ki khynnah ba ki dei ban don ka jingthrang, ban don ka jingmut, ban pyrkhat bha ha ka jingim, u kyntu ïa ki ba kin don ka mynsiem ban iakhun ban long kiba tbit khnang ba kin dup lah ban leh kham bha shuh shuh ha ka jingiakop ha ka State Level, u la ai mynsien ruh ïa kito ki khynnah kiba khlem shah jied sha ka State Level ba ki dei ban nang ïai bteng ïa ka jingtreishitom ba kin dup lah ban ioh da kiwei kiwei ki buit thymmai ha ki snem ki ban wan.
Ha kane ka prokram ki khynnah na ki skul bapher bapher kiba napoh ka district ki la ïashimbynta bad ki la batai ïa ki jingpyni nongmuna jong ki ne ki model project ba ki pyni ha rynsan halor kumno ban ïada ïa ka jingim u briew, ban ïada ïa ki mrad bad ban pynneh pynsah ïa ka mariang kaba iaid lang ruh banka roi ka par khnang ba kan nym ktah ïa ka lawei bad ïa ka pateng ka ban sa wan.
Ha ka jingïakob District-Level Children’s Science Congress ka kynhun kaba na ka Junior Category, ka Arabindala Choudala kaba pule ha Star Public School, Lumshnong ka la long ba nyngkong kaba la batai ban pynshai halor ka project “Anti-Slip Steps.” bud pat sa ka Adhyayan Rathore, kane ruh ka dei ka khynnah kaba pule ha Star Public School, Lumshnong, kaba la pyni nongmuna bd batai halor ka project “Tomato Waste as a Hydroponic Nutrient Source.” bad ka Leki Kam kaba pule ha Sacred Heart Higher Secondary School, Lamyrsiang, ka la long ba lai kaba la pyni nongmuna bad batai halor ka project ba la ai kyrteng da ka “Preparation of Organic Biodegradable Knife.”
Ha ka thup kaba na ka kyrdan jong ki Secondary lane Secondary Category, ka Vanshika Sak kaba pule ha Star Public School, Lumshnong, ka la long ba nyngkong halor ka jingpyni nongmuna lane.model Project kaba la tip kum ka “Comparative Study of Plant Growth in Soil Near a Cement Factory.” bud pat sa u Shariadlang Neki Manai une ruh uba pule ha Star Public School, Lumshnong, u la long ba ar uba la batai bad pynshai halor ka project nongmuna ba la ai kyrteng da ka “From Hustle to Home: An Eco-Friendly Flower Pot.”
Kitei kiba la jop ha kane ka District-Level Children’s Science Congress kin sa leit ban mihkhmat na ka District sha ka State-Level Children’s Science Congress.
Kum ban shu bynrap, ka National Children’s Science Congress ka dei ka prokram kaba kyrpang jong ka NCSTC kaba don ïa ka jingthmu ne ka thong ban pynshlur ïa ki khynnah skul ba kin tei ïa ka jingstad Science lane kata ka Scientific Outlook, ban wad ïa ki buit thymmai, ban don ha ka jingwad ne tohkit bniah ïa ka jingstad Science lane kata ka scientific investigations. Ka rynsan jong ka district-level ka ai ïa ka rynsan na ka bynta ki khynnah samla ba kin mihkhmat ban pyni sha ka pyrthei ïa ki project ba ïadei bad ka jingstad Science lane ki Scientific Projects, ki jinglah ban wanrah ïa ki buit treikam bad ruh ki buit ban weng ïa ki jingeh ha kaba kum kane ka por ba ka roi ka par ka kiew ban don ruh kata ka lad ban iada ïa ka jingim briew bad ïa ka mariang.
Kiba la ïa don ryngkat ha kane ka prokram ki kynthup ruh u Executive Member jong ka Social Humanoid, u Bah Khambor Malngiang, ka District Coordinator, jong ka Social Humanoid, ka kong Baiakhuidlang Sayoo bad kiwei kiwei.