Khliehriat, Jymmang 22 : Kumba ka skul Star Public School Lumshnong, kaba dei ka skul jong ka company Star Cement, kaba dei ruh kawei na ki skul CBSE kaba bha tam ha ri India (Top CBSE School in India), ha kaba la pynbna ia kane ha u snem 2021.
Dang myn ha kine ki snem kiba la leit, katei ka skul la ïoh khur ruh ïa ka khusnam kum ‘Ka skul kaba kup rong Jyrngam’(Green School) ha ka ri India, kumta ruh u Dilip Kumar, uba dei u Principal jong katei ka skul lyngba u kyrwoh u pynshlur ïa kiwei kiwei ki skul ruh ba kin thung ki dieng ki syntiew, ki phlang ban pynlong ïa ka skul kaba kup rong jyrngam bad ong ruh ‘Ngi dang donkam shibun ki skul kiba kup rong jyrngam’ U la ong ruh ba ka long kaba donkam ban hikai ïa ki khynnah ha skul ba kin sngewthuh kumno ban ieid ïa ka mariang bad ban tyngkai ruh ia ka mariang‘ Ngi donkam ban sngewthuh ba ngi dei ban pynlong ïa ka pyrthei kaba itynnad na ka bynta ki pateng kiban dang wan, donkam ban hikai ban long ka nuksa ym tang ha ki skul hynrei ha ki shnong ki thaw ruh kumjuh ban hikai ïa ki wei ruh halor kumno ban tyngkai ïa ka mariang bad ban ïaroh ruh ïa ka jingitynnad ka mei mariang, ngi donkam ban tip, ngi donkam ban im bad ban peit thuh ruh’
Ym tang katta, u Dilip Kumar, u la pashat ruh ba donkam ban hikai ruh ïa ki khynnah ba kin long ka nuksa halor kumno ban tyngkai ïa ka um slap, ïa ki tiar ki ba ym pyndonkam shuh, ban pynduna ïa ka jingpynmih lyer jakhlia (Reduce Carbon).
Halor ka phang ba kumno yn kyntiew ïa ki skul ba kin long ki skul kiba kup rong jyrngam, dei ban ai ki jinghikai bad ki jingpynshai ïa ki khynnah.
U Dilip Kumar u la bynrap ruh “Ngi ruh ha Star Public School Lumshnong, namar ngi pynmlien ïa ki khynnah ba kin thung ki dieng, ki siej, ki phlang, ki syntiew kiba long shibynta na ka jinghikai ba ki ioh na skul, kane ka la suh thied ha ki khynnah haduh ba kan da pyn urlong pynban ban ioh ïa ka ka nam kum ka skul kaba kup rong jyrngam ha ri India, nga kyntu lang ïa kiwei kiwei ki skul ruh ban kin shim ïa kane kum kawei na ki bynta ban ai jinghikai ïa ki khynnah ha skul ha ka thung ka tep.
