Nongpoh, Risaw 04: Ka seng HYC Nongpoh Circle kala pynpaw ka jingsngewkhia kaba jur hadien ba ka la lap mar khmat ïa ka jing syrtok ki paidbah nongleit nongwan lyngba ka surok National Highway 6, kaba ki bor jong ka NHAI Kim shym la weng ïa ka khyndew ,ki shyiap, ki mawria kiba la pynlup thup ha ka surok bah kaba don markhap ka shnong Dulongnar bad ka Umdihar mynta la bun bun bnai hapdeng surok kaba la pyn jynjar bad pynsyrtok ïa ki paidbah nongleit nongwan khamtam haba don ki kali kiba duh ne aksident ha kane ka jaka.
Kumba la sakhi mynta ka sngi kawei ka kali tourist kaba kamai shillong guwahati kaba la duh ha kane ka jaka, ki paidbah kiba leitba wan lyngba kane ka surok ki hap mad ïa ka Jing dheng kali bad kaba la pynwit bha ïa ki nongleit nongwan,
Haba kren sha ki nongthoh khubor naka liang u Samla Tony Shylla president HYC Nongpoh Circle u la ong ba naka liang ka seng ka kyntu ïa ki bor ka NHAI ba kin weng mordor ïa kine ki khyndew ki shyiap ki mawria kiba la lum thup na bynta ka jingbit jing biang ki nongleit nongwan, bad naka liang ka seng kala ioh ruh ban ïa kren bad u enginiar ka NHAI lyngba ka phone u bym don mynta hapoh ka jylla hynrei u la kular ban shim khia halor kane ka bynta, namar kane ka jaka ka dei kaba buh jingma shikatdei ïaki paidbah ba leit ba wan lyngba kane ka surokbah.
