Dawa ka FKJGP na u DFO ka JHADC ban khang ïa ka jingshalah dieng khlem da biang ki kot ki sla

Jowai, Risaw 04: Ka Federation of Khasi Jaiñtia & Garo People (FKJGP) Khliehriat Circle hapoh ka jingïalam u President ka seng u Mishal Chyrmang ryngkat ka jingsynranlang u Marhok Marboh uba dei u Vice President ka FKJGP-Jaiñtia Hills Zone bad katto katne ki dkhot ka seng mynta ka sngi ka seng kila leit buh daka Memorandum ha u Chief Forest Officer (CFO) Ka Jaiñtia Hills Autonomous District Council (JHADC) bad sha u Divisional Forest Officer (DFO) Jaiñtia Hills Territorial Division.
Ha kane ka Memorandum na ka liang jong ka seng ka dawa ban khang ïaka jingshalan ïa baroh ki jait dieng beaiñ ki bym biang ïa ki kot ki sla kiba mih na ki khlaw bad naki Saw mill beaiñ shabar ka Jylla jong ngi katkum ka aiñ Forest Act.
Hadien ba ka Seng ka ïoh shibun ki jingujor na u paidbah baka jingshalan tuh ïa ki dieng shabar ka jylla ka pynrem dor palat ïa ki dieng hapoh ka jylla bad kane ka shem jingeh ïa u duk u suk ban shna ïing shna sem.
La ong ba ka jingshalan jong ki saw mill ïaki dieng shabar ka jylla ka dei namar ba ki bar jylla (dkhar) ki nud ban thied haka dor kaba heh bad dei na kata ka daw ba ki nongdie dieng ki shim kabu bad ki die ka juh ka dor hapoh jylla bad shabar jylla bad kane ka jingpynbiang dieng daki trai jylla ïaka Assam ka buh jingma ïaka jylla naka jingsyllen ki khlaw ki btap.
Halor kane na ka liang ka seng kan ai por ar taïew ban khang ïa ka jingshalan dieng tuh khlem ki kot ki sla ba biang shabar ka jylla bad lada ka seng ka dang lap wat hadien katei ka por ka seng kan shim ka jingkitkhleh ban kem hi ïa kiba donkti bad ka office ba dei peit ïaka kam khlaw ki hap ban bah khlieh, pynkut ka kyrwoh na ka seng.