Nongpoh, Nohprah 08: Kum shi bynta ban ïa snoh kti lang bad kiba bun ki longïing baduk, ka seng Hynriewtrep National Youth Front (HNYF) Women’s Wing ha ka sngi Saitjaiñ ka la mih ban sam da ki jaiñ syaid sha ki 60 tylli ki longïing naduk ha ka jingïalang kaba la long ha ka Shnong Pynthorsohma ba hap ha ka Shnat Raid Tynring ha Ri Bhoi District.
Ki longïing baduk kiba la ïoh pdiang ïa kitei ki jaiñ syaid ki kynthup na ka shnong Umrit, Lumdiengngan, Khyndewso, Tynring bad ka shnong Pynthorsohma.
Ïa ki jaiñ syaid ba la sam sha ki longïing baduk, la aiti da ka Kong Orianda Kharkongor, President ka HNYF Women’s Wing Sengkmie, ka Kong Phrinsibon Kharmuti, General Secretary lem bad kiwei. Ha kane ka sngi, nalor ka jingsam ïa kitei ki jaiñ syaid, ka seng ka la pynlong ruh da ka jingai bam ïa kitei ki longïing baduk kaba long ka jingïalehkmen sngewbha shuwa ban pdiang ïa ka jingrakhe ïa ka Christmas bad u snem ba thymmai.
Haba kren ha kane ka sngi, naduh ka President ka Kong Orianda Kharkongor bad ka General Secretary ka Kong Phrinsibon Kharmuti, ki la ong, ba kane ka jingmih ka seng ban sam ïa kitei ki jaiñ syaid, ka long shi bynta ban ai sngewbha sha ki longïing baduk katkum ka jingkot bor ka seng bad ruh kaba long shi bynta ban ai sngewbha na ka bynta ban rakhe ïa ka Christmas bad u snem ba thymmai.
Shuh shuh, k la kyntu ruh ïa kitei ki longïing ba la ïoh pdiang ïa ki jaiñ sayid ba kin pdiang naduh ka mynsiem wat la ka dei ka jingai ka barit bad kum ki nongïalam ki la kular ruh ba kin dang ïa don bynta ban ïa trei lang na ka bynta ban ïa kit ïa bah lem ïa ka eh ka shon ki paidbah bad khamtam na ka bynta ki longïing baduk ba kyrduh, ki la bynrap.
