Da ka Literary Fest pynlong ka Ri-Bhoi Synod College ban pynpaw pyrthei ïaka sap ki khynnah pule haka thoh ka tar

0

Nongpoh, Risaw 05: Ka Ri Bhoi Synod College lyngba ka English Department, ka la pynlong ïa ka Literary Fest ba la tip kum ka Reflection kum shi bynta ban plie lad ïa ki samla pule ha ka district ba kin ioh ban pyni ïa ka sap ka ki, don ha ba ïadei bad ka thoh ka tar kum ki poetry, ki khana lyngkot bad kiwei kiwei.
Ha kane ka Literary Fest la ioh ban pynlong ïaka Inter- College Competition ha ki jingïakop bapher bapher ba kynthup ïa ka jingïakop thoh Poetry, ka jingïakop thoh khana lyngkot, Essay, bad Collage Making haka ba la wan ban ïa shim bynta da 5 tylli ki College na Ri Bhoi District ba kynthup ïaka Union Christian College, Balawan College, Northern Ri-Bhoi College, Eastern Ri-Bhoi College, bad ka Ri-Bhoi Synod College.
Ha kane sngi la wan sakhi lang da u Babu Donboklang Ryntathiang, HoD, English Department Seng Khasi College Shillong bad ka kong Balakyntiew Nongmalieh, Addl Deputy Commissioner Ri-Bhoi District kiba la long ruh kum ki nongbishar ha kane ka Inter-College bad la sakhi ruh da ka jingdon lang u Rev Percious Tmung Vice- Principal Ri Bhoi Synod College ki nonghikai lem bad ki samla pule.
Kum ka jingai mynsiem ïaki samla pule kiba la wan ban shim bynta ha katei ka jingïakop bapher bapher, naka liang ka English Dept. jong ka Ri-Bhoi Synod College kila sam ruh ïaki khusnam ha kaba ïa ka nam lah duh ha ka jingiakop thoh Poetry la ioh ban rah da u ka samla Bini Jamatia na ka Union Christian College, bad ha kyrdan ba ar la ioh ban rah da u samla Kyrmenskhem Nongshli na Balawan College, bad ha kyrdan ba lai la ioh da u samla Wanlumlang Mawlong na Balawan College.
Ha ka jingïakop thoh khana lyngkot ïa ka nam lah duh la ioh rah da u samla Erastos Nongrum na Eastern Ri-Bhoi College bad ha ka kyrdan ba ar la ioh rah da ka samla Kiran G. Lyngdoh na Ri-Bhoi Synod College bad ha ka kyrdan ba lai ioh da ka samla Kajal Kumari na Balawan College, bad ha jingïakop thoh Essay ïa ka nam laduh la ioh ban rah da u samla Hadrian Umbah na Eastern Ri-Bhoi College bad ha kyrdan ba ar la ioh da ka samla Elisa Debarma na Union Christian College, ha kyrdan ba lai la ioh da ka samla Eureka Makri na Northern Ri-Bhoi College, bad ha ka Collage Making iaka nam lahduh la ioh da ka samla Berna Mallai bad Ibanylla Khymdeit na Northern Ri-Bhoi College bad ha ka kyrdan ba ar da ka samla Sheradalyne Syiem bad Imlang Lumphui na Ri-Bhoi Synod College, bad ha kyrdan ba lai la ioh da u samla Rajesh Reang bad u Surajit Debbarma na Union Christian College.
Naka liang ka Deigracia Lyngkhoi HoD English Department Ri-Bhoi Synod College kala ong ba ka jingthmu jong katei ka Literary Fest ka long ban khring ïaki khynnah pule ka thaiñ Ri-Bhoi District ba kin ioh ban pyni ïaka sap kaba ki don haka art bad literature lyngba ki jingïakop bapher bapher bad kalong ka jingsngewkmen halor ka jingshimbynta bad mih shakhmat jong ki khynnah skul ba kim dei ban buhrieh ïaka sap kaba ki don tang haki kamra klas hynrei ban pynpaw ruh sha ka pyrthei.

Leave A Reply

Your email address will not be published.