Da ka jingïakop marathon rakhe 2 snem ka KSU Jowai Unit

0

Jowai, Risaw 20 : Ka Khasi Student Union (KSU) Jowai Unit kumka dak ban leh kmen ïa ka jingdap 2 snem ka Unit, naduh ba la seng ïa ka ha Jowai ban ai ka jingshakri ïa ka imlang ka sahlang bad ka jaitbynriew hi baroh kawei.
Na ka liang ka KSU Jowai Unit kala pynbeit ban pynlong daka jingïakop Marathon kaba la tip kum ka ‘Open to All Long Distance Running Race’ haka 29/10/2022 naduh ka por 6 baje mynstep.
Ïa kane ka jingïakop mareh yn sdang naduh na Lad College KNGC ïaid na Ladthadlaboh (main road) – Newhill (main road) – Iawmusiang – Lad pohskur – Iongpiah – Panaliar – Old Civil Hospital – Le kyrnah bad pynkut ha Kiang Nangbah Monument (Syntu Ksiar)
La pyntip ba ïa ki nongjop yn jied 10 ngut ïa ki shynrang bad 10 ngut ïa ki kynthei ha kaba yn sam ïa ki nongjop da ki Trophy, ki Medal bad ki Certificate.
Ha kaba ïadei bad kane ka jingïakop mareh yn pdiang sngewbha ïa baroh kiba don jingmut ban wan ïashim bynta, ki nongïashim bynta ki lah ban pynpoi ïa ki kyrteng jong ki ha katei ka juh ka sngi 29 tarik u Risaw naduh ka por 5 baje mynstep, ïa ki jingtip ba bnaih ki lah ban phone ha kine ki No: 9366747046 / 9863607377.

Leave A Reply

Your email address will not be published.