Wer ka Synjuk sha ka Lympung ki Synjuk ki Rangbah Katholik Zone-VI ha Nongkhrah

0

Nongpoh, Risaw 20 : Ka Synjuk ki Rangbah Zone-VI, Shillong Archdiocese ka la khot la wer ïa baroh ki paid riewngeit ka Balang Katholik ba kin wan ban ïa shim bynta ha ka Lympung ba hynñiew kaba long ha ka Balang Shnong Nongkhrah jong ka Parish Nongpoh.
Kane ka lympung ïa kynduh lang ki Rangbah ka Balang Katholik jong ka Zone-VI kan sdang naduh ka 22 tarik u Risaw, 2022 bad yn pynkut noh ha ka 23 tarik u Risaw, 2022, ka Sngi u Trai da ka Mass Bakhuid bad kiwei kiwei ki prorkam bapher bapher ban pynphuh pynphieng ïa kane ka lympung ki rangbah ka Balang Katholik na ka Zone-VI Shillong Archdiocese.
Namarkata, na ka laing ka Synjuk ki Rnagbah Zone-VI Shillong Archdiocese ki la khot la wer ïa ki paid riewngeit ka Balang Katholik ban ïa poi sha kane ka lympung kum ka jingai mynsiem ïa ki Rangbah bad ruh ban leh ban pyndep ïa ka niam ka rukom ban ai ka nguh ka dem sha u Blei Nongbuh Nongthaw kata ha kaba pynkut noh ïa kane ka Lympung da ka Mass bakhuid ha ka Sngi U Trai.

Leave A Reply

Your email address will not be published.