Nongpoh, Ïaiong 26: Ka MIT (Maharashtra Institute of Technology) Shillong ka la pynlong ïa ka jingïalang kaba la ai kyrteng ka “Design Connect” halor ka mat “career opportunity in design” lane ki lad ai kam ai jam” na ka bynta ki khun samla kaba la long ha ka 23 tarik u Ïaiong 2023 ha Novotel Hotel ha nongbah Guwahati.
Kane ka jingïalang ka long ban pynsngewthuh ïa ki lad ai myntoi bad ki jing ïarap ha ka ai kam ai jam. Ki nong kren kane ka jingïalang ki long ki khraw pyrkhat ki ba lah ioh ka jingpyntbit halor kine ki tnad pule jong ka nongbah shatei làm mihngi kine ki kynthup ïa u Dr Malhar Pangrikar jong ka MIT Shillong, U Dr Debayan Dhar- IIT Guwahati, badu Dr Udaya Kumar- IIT Guwahati. Ka jingïalang ka la sdang ha ka por 2 baje haduh 5 baje noh phai sngi ba la pynbud pat da ka jingïamir jingmut jong ki nongïashim bynta bad ki lamphrang kane ka jingïalang.
Ka jingthmu jong ka skul bah MIT ban pynlong ïa kane ka jingïalang ka long ban kyntiew ïa ki samla jong kane ka thaiñ shatei lam mihngi jong ka ri India ha ki phang jong ka jingnang jingtip.
U Dr Debayan Dhar u lah ong ba kane ka tnat pule ka ïa syriem bad ki jong ki karkhana pynwandur kiba bun jait bad kine ki karkhana ki la sdang ha ka por thma bah khnang ban un lah ban pynïaid ïa ka mar jong ki ha iew. U la ong ruh ba na kine ki tnat pule um da donkam ka jinghikai ba bniah hynrei tang kumno ban pyntbit ïa ki sap kiba ki don. Ka jing hikai ka long ruh ban ïarap bad ai jingkyrshan ïa ki ha ki jingeh kaba ki ki shem.
U Dr ldaya Kumar pat u lah pynbud da kaba ong ruh ba ka jingtbit jong ki khynnah ka long lynba ka sap jong ki hi, bad kane ruh ka ïa ryngkat bad kiwei pat ki tnat pule ba kham h?h. Shuh shuh u lah ong ba ki khynnah ki dei ban sngewthuh ïa ka sap jong ki hi bad ka don shibun ki skul bah bapher bapher ha ka ri jong ngi ba ai jinghikai bad kyrshan na ka bynta kine bad ioh jingmyntoi na ki ruh.
U Vice Chancellor ka MIT University Shillong u Dr. Malhar Pangrikar u lah ban khia halor ka jing donkam jong kane ka tnat pule ha ki por ba mynta bad b?n kynthup ruh ryngkat ïa ki jingpynneh ne pynsah mariang bad kumno ban sumar ïa ka. Kane ka tnat pule kam dkut noh hynrei ka ïaid bteng ym kum kiwei pat. Kumta ngi donkam ban sngewthuh ïa ka jing donkam bad jingpynneh pynsah.
Ka nongbah Shillong ka long kawei na ka thymmei pule puthi bad ka jing kwah jong ngi ka long ban wan rah ïa kane ka jingpynneh bad pynsah mariang ha baroh kawei ka ri India ba lah ban khring ïa ki khynnah pule jong kiwei pat ki jylla ne ri jong ka pyrthei ruh.
Ka MIT ka wanrah ïa ki tnat ban jngoh ïa ki jingnang jingtbit ha ki laiñ bapher bapher ba lah ban wanrah ïa ka jingseisoh ki khynnah bad ïa ka jylla ruh.
Ka MIT ka long ka skul ka ba nyngkong eh ban ring ïa kane ka jingthmu pynneh pynsah mariang ha ka ri India baroh kawei. Ka thmu ruh ban shim ïa ki lad ban pynlong ïa ki jingpule ki ba la pyntbit ha la ki bynta bynta bad khring ruh ïa ki khynnah kiba don ka sap jong kane ka thain jong ngi.
Ka MIT Shillong ka tyrwa ruh ïa ki tnat kiba kham pher kiba ïa dei bad kane ka juk kaba mynta bad ruh ba la kyrshan da ka skul bah MIT na Pune. Kine ki kynthup ïa ka BCA cloud technology bad information security, BCA Artificial Intelligence bad Machine Learning, BBA International Business, BBA Digital Marketing bad E-commerce bad ka B. Com Accounting Analysis.
Ki tiar ba la pyn donkam ha kane ka skul ki long kiba ïa ryngkat dor bad kiwei ki ri jong ka pyrthei ban pynlong ïa ka jylla bad thaiñ jong ngi ka ba dap da ki stad pule kiba palat ha baroh ki liang.
