Shillong, Risaw 17: Ka kynhun ki rang lehkai kriket ka Meghalaya ki la mad namrem biang, bad mynta ka kynti ka dei pyrshah ïa ka Mumbai kaba la pynliem ïa ka Meghalaya haduh 9-wicket ha ka lympung jong ka Syed Mushtaq Ali Trophy T20 tournament ha Jaipur hynne ka Sngi Hat Majai.
Haba ïakhun pyrshah ïa kane ka kynhun kaba khlaiñbor kaba don ruh katto katne ki player ba mih madan ha ka Indian Premier League, ka Meghalaya ka la shah pynhap noh tang hadien ba kynjoh sha ka 65/9 na ki 20 over, kaba ka Mumbai ka la pyndep ban kynjoh pura tang hapoh 9.4 over bad hap tang u wei u wicket.
Haba tied nyngkong, ka Meghalaya kam shym la don ka jubab ban pynphai sha ki rangkawangbol ba tbit ka Mumbai, kaba kynthup ïa u Tushar Deshpande (3/8), u ba dang shen mih madan na ka Chennai Super Kings ha ka IPL.
U Anish Charak bad u Akash K Choudhury ki la lah ban ïarap kyntiew da 23 ron ryngkatlang bad dei tang kine arngut kiba la lah ban kynjoh sha ka phew ron na ka Meghalaya – Charak 20 katba u Choudhury made 11.
