Mawkyrwat, Rymphang 11: Ka 7 Wasa Football Club Jowai na Jaiñtia Hills ka la pynliem noh da 1 – 0 kol pyrshah ïa ka ka Aphuyemi Football Club na Nagaland ha ka lympung ïalehkai kynjatbol jong ka Quarter Final ba la pynïaid da ka Mawlangwir Sports Club, South West Khasi Hills District ha Madan Rowell Lyngdoh Stadium.
Hapdeng jong ka jingïalehkai, ka jingïakhun ka la long ka jingïakhun kaba itynnad bha namar ka jingïakhun ka long khnang ban poi bad rung sha ka Semi-Final, hynrei hapdeng jong kata ka 7 Wasa FC ka la ïoh ban thep ïa ki ar tylli ki kol na u Dashngaing Shukhlain ha ka jingïalehkai jong ka kyllastep ha kaba ki ‘rangïalehkai jong ka Aphuyemi FC ruh ki la pyrshang ban ïalehkai bha ban ïoh pynphai ïa ki kol hynrei haduh kaba kut jong ka jingïalehkai ka Aphuyemi FC ka la shah rem noh ha kaba ka 7 Wasa FC.
Hadien ba kut jong ka jingïalehkai la sam ruh ïa ka khusnam, nongïalehkai ba tbit ryngkat ka song pisa kaba T. 5 hajar tyngka sha u Dashngaing Shukhlain uba la thep haduh ar kol marwei.
Ka jingïalehkai Semi-Final kaba nyngkong kan sa long ha ka 17 tarik u bnai Rymphang, 2024 hapdeng ka Shillong Lajong Football Club pyrshah ïa ka KMC Sonapur, Assam ha ka madan ha Rowell Lyngdoh Stadium, Mawlangwir, South West Khasi Hills District.
