Byrngem ka HNLC ban weng noh na ka jingïakren ïasuk ba buh kyndon ka Sorkar Jylla
Ka jingleit buh syntiew ha u mot jingtep u (L) Cherish Star Field Thangkhiew Shillong, Nailar 12 : Ka ïing ka pyntip ba kan don ka jingleit buh syntiew ha u mot jingtep jong u (L) Cherish Star Field Thangkhiew ha ka 13 tarik Nailar, 2023 ha u lum jingtep jong ka Balang U Blei ha Lawmali ha ka por 2:00 baje nohphai sngi. Ka ïing ha u kyrwoh lyngba u Bah Granary Star Field Thangkhiew (para) ka kyntu ba lada don kino kino ki kynhun seng bhalang, ki riewshimet, ki paidbah, ki bahaïing, ki paralok jong une u rangbah ba la khlad noh ba lada ki kwah ban ïa don bynta lang ha kane ka lynkhuh sngi ïap ba ar snem jong u kin ïa poi lang ha katei ka sngi bad ka por ba la buh ha katei ka jaka.
Shillong, Nailar 12 : Ka Hynñiewtrep National Liberation Council (HNLC) mynta ka sngi lyngba u General Secretary cum Publicity Secretary ka seng u Bah Saiñkupar Nongtraw ka la maham ba ka lah ban weng noh ïa lade na ka jingïakren ïasuk kaba dang ïaid mynta bad ka Sorkar Pdeng kumjuh bad ka Sorkar Jylla hadien ka jingbuh kyndon bad pyrkhing jongka sorkar ban leit buh syntiew ha u lum jingtep jong u nongialam barim ka Seng, Bah Cheristerfield Thangkhiew haka jingdap arsnem ka jingkhlad jong u.
Da kaba pynpaw ïa ka jingsngew ha ka Facebook, u Bah Sainkupar u la ong ruh ba na ka liang ki bahaiing jong utei u nongïalam barim ka seng ki la pynbeit ba ka jingleit buh syntiew kadei ban long ha ka por 2baje janmiet hynrei ka sorkar pat ka hukum ïa ki nongïalam ka seng kiba don mynta ha ka jylla ban ïakren ïa suk ba kin leit buh syntiew ha ka por 8baje mynstep.
“Kane ka jingleh ka sorkar ka pynbitar ïa ka seng hi baroh kawei, ngim dei ki pulit Meghalaya ne ki nongtrei sorkar jong ki ba kin teh ïangi katba ki mon. Lada ka long ha kane ka rukom ngin weng noh naka jingïakren,” ong u Bah Saiñkupar ha katei ka jingthoh.
Kumban shu kdew hangne, ki nongïalam jong ka HNLC ki la don mynta la kumba katto katne por ha ka jylla na ka bynta ban pynïaid shakhmat ïa ka jingiakren ïasuk bad ka sorkar pdeng kumjuh bad ka sorkar jylla.