Buh jingthoh ka JSM ha u DC pyrshah ïa ka jingwan jurip BOP ka Assam ha Lapangap

0

Jowai, K’Lyngkot 06: Ka Jaiñtia Student Movement (JSM) Lapangap Unit, West Jaiñtia Hills District mynta ka ngi hapoh ka jingïalam u President u Heyboyme Myrphet lem bad ki dkhot kila leit ban ai da ka jingthoh ha ka ophis u Deputy Commissar halor ka jingwan jurip jaka ka Assam ban shna ïa ka Border Out Post (BOP) kaba dang hap hapoh u pud u sam jong ka jylla Meghalaya.
Na ka liang ka seng kala ong ba ki bor sorkar jong ka Assam ha ka 28.12.2022 kila leit ban jurip (Survey) ïa ka jaka kaba dang hap hapoh ka jingpeit jong ka shnong Lapangap, ban buh ïa ka BOP.
Ha kaba ha katei ka sngi ki Asaam kiba wan jurip ki kynthup ïa u Rupsing Teron (MLA) 20th No Baithalango LAC, ka Rina Terangpi (Executive Member) I/c ICDS Library Social Welfare ka Karbi Anglong District Council Diphu ryngkat bad ki katto katne ki pulit Assam.
Ki la ong ba ka sorkar Assam kala thmu mardor ban buh (Setup) noh mardor ïa katei ka BOP ha katei ka jaka kaba dang hap hapoh u pud u sam jong ka Dorbar shnong Lapangap ha jan jong ka shnong Langkiroi Langsangti River kaba tip ruh kum ka wan Loog-O.
Kumta na ka liang ka seng ka kyntu bad dawa jur na ki bor District bad kumjuh ruh na ka sorkar jylla ba kim dei satia ban ailad bad deo ban phah pyndam noh mardor ïa katei ka jingthmu jong ka sorkar Assam ban thaw ïa ka BOP ha ka tei ka jaka.
Shuh shuh kila kren shai lada ka sorkar jylla kam lah ban leh ei ei kim ban se ban thong ïa ka sang ka ma tang na ka bynta ban im ka jait bynriew bad ka khyndew ka shyiap.

Leave A Reply

Your email address will not be published.