Bteng ka jingïalehkai 2nd District League T20 Cricket Tournament 2023 jong ka EKHCA

0

Shillong, Rymphang 25 : Ka lympung ïalehkai kriket 2nd District League T20 Cricket Tournament 2023 ba la pynïaid da ka East Khasi Hills Cricket Asscication (EKHCA) ka la nang ïaid shaphrang haduh ka sngi Saitjaiñ. Ha kane ka sngi ki saw tylli ki team kiba la ïalehkai ki kynthup ka Nongdawah CC, Friends United CC, Sohra Combine CC bad Lumpaia Avengers CC.
Ki kynhun kiba la khur jingjop ki long ka Nongdawah CC ka la pynliem da 47 ron ïa ka Friends United CC bad ka Sohra Combine CC ka la pynliem ïa ka Lumpaia Avengers CC da 25 ron.
Ha ka jingïalehkai kaba nyngkong, ka Nongdawah CC kaba la jop ïa ka jingkynting pisa ka la kam ban tied nyngkong bad kamai 145 ron duh noh 6 wicket ha baroh ki 20 over, u Wankitlang Nongpluh u kamai 49 ron na ki 47 bol, u Maialang War u kamai 37 ron na ki 50 bol bad u Nangkiewkor Moore Don marwei u khur 4 wicket ai kamai 32 ron ha ki 4 over.
Ka Friends United CC haba wan beh ïa katei ka thong ka kamai tang 98 ron khyllem noh 10 wicket ha ki 17.2 over, u Ernestin Kyntiewbor Swer u kamai 51 na ki 33 bol bad u Kyrmenskhem Nongpluh u khur 3 wicket ai kamai 9 ron ha ki 4 over bad u Moonlight War u ïoh 2 wicket ai kamai 8 ron ha ki 2.2 over. Ïa ka nam Player of the Match la jop da u Wankitlang Nongpluh.
Ha ka jingïalehkai kaba ar ka Sohra Combine CC ka la kam ban tied nyngkong bad buh ïa ka thong ba 163 ron duh noh 6 wicket ha baroh ki 20 over ha kaba u Jona Lyngdoh Nonglait u kamai 38 ron na ki 38 bol, u Pherson Diengdoh u kamai 32 ron na ki 28 bol bad u Orlando Nongbri u ïoh 2 wicket ai kamai 32 ron ha ki 4 over.
Ka Lumpaia Avengers CC watla ka la pyndep ïa baroh ki 20 over hynrei kam shym la poi sha ka thong da kaba kamai tang 138 ron duh noh 7 wicket bad dei tang u Ralphy Heinrich Diengdoh uba kamai bun don da 35 ron na ki 20 bol bad u Ferdinand Lyngdoh u khur 3 wicket ai kamai 9 ron ha ki 2 over na ka bynta ka Sohra Combine. Ïa ka nam Player Of the Match la ïoh da u Ferdinand Lyngdoh.

Leave A Reply

Your email address will not be published.