Shillong, Naiwieng 30: Ka khubor ba la ïoh na ki pulit la ïathuh ba ha ka 26 tarik mynta u bnai ha ka por kumba 11.40 baje mynstep, hadien ka jingïoh jingtip, ki pulit ha ryngkatlang bad ki shipai BSF ki la ïohbat ïa 2 ngut ki nong Bangladeshi kiba kyrteng u Taharul Islam ba la 23 snem ka rta bad u Mohamad Syed uba la 30 snem ka rta napoh thaiñ Dalugaon kaba dang hab ha West Garo Hills bad ki la ïoh ban kurup kumba 2 tylli ki Aadhaar card, 3 tylli ki mobile phone, ka pisa India kaba long T. 4020/-, kawei ka tiket liengsuiñ bad kiwei kiwei na kitei ki briew.
Ha kawei pat ka jingjia ki pulit ki la ïathuh ba u Bah Barnabas Nongbah u la phah ka jingujor ba ha ka step jong ka 26 tarik mynta u bnai, uwei na ki nongtrei jong ka Grotto Church, Laitumkhrah, Shillong, u la shem ba ki runar bym lah ban ithuh ki la prong hapoh ka ïingmane bad ki la tuh kawei ka laptop, bad ka pisa kaba ym lah ba tip katno ka don napoh ka donation box, bad kiwei kiwei ki tiar.
