Nongpoh, Jymmang 13: Ki dkhot jong ka RBYF, Umran Unit hynne ka step phyrngap kila ioh ban bat haduh 14 ngut ki ba jylla kiba wan ban rungtuh sha ka jylla khlem kot khlem sla lyngba kawei ka kali tata mobile kaba don ïa u number AS 01 PC 3780 kiba dang thmu ban leit sha nongbah Shillong.
U Samla Amjester Papang Secretary ka RBYF Umran Unit u la ïathuh bah aka por 4 baje eiei mynstep katei ka kali kala wan bad sangeh ha Petrol Pump Umran Dairy, bad naka liang ki dkhot ka seng haba ki iohi ïa kitei ki bar jylla kiba shong ha katei ka kali kila leit ban kylli bad tohkit, hynrei hadien ka jingtohkit ki dkhot ka seng la lap pynban ba kitei ki bar jylla kim don ïaki kot ki sla kiba biang bala pynlong ïaki dkhot ka seng ban bat ïaki ha katei ka jaka. Kitei ki bar jylla kila ong ruh ba ki thmu ban leit sha Nongbah Shillong bad kam ruh ïalade ba ki dei ki nongtrei jong ka telecom, bad mar mar ki dkhot ka seng kila pyntip noh shaki pulit ka Umsning Police Station ban leh ïa kaba donkam bad ban pynphai biang ïakitei ki bar jylla shaka jaka ba ki wan.
