Jowai, Rymphang 27 : U Hony. General Secretary ka West Jaiñtia Sports Association, Jowai u ma Lammat oo Laloo ula pyntip ba ka Association ka khot ïa baroh ki Waheh Shnong, Secretary, Sports Secretary, ki Affiliated Club hapoh ka ka West Jaiñtia Sports Association, Jowai ba kin wan ban pynthymmai noh (Renewal) na ka bynta une u snem 2024.
La pyntip ba ka Executive Council kaba la long haka 24 tarik u Rymphang kala shim ïa ka rai ban khot noh ïa ka jingpynthymmai (Renewal) ïa baroh kiba pynïasoh bad ka WJDSA, ka tarik ba khadduh ban pdiang kan long ha lane shwa ka 31.03.2024 da kaba pynpoi sha u Hony. General Secretary ka seng u ma Lammat oo Laloo, kiba wan pynpoi palat ïa katei ka tarik bala buh yn ym lah ban pdiang shuh ïaki.
Na ka bynta kito ki Club kiba don ha ki Division kiba don shaeng na ka 3rd Division lada kim wan ban pynthymmai hapoh une u snem kin hap ban sdang pat ha ki snem ki ban wan. Ka bai Renew kan long Rs. 1,000/- Shi hajar tyngka.
Shuh shuh ka Association kala pyntip ïa ka Dorbar Kut Snem kaba thmu ban long haka 27.02.2024 ym lah satia ban pynlong namar bym pat pyndep ïa ka Audit Report.
