Ban saiñdur bad khring ïa ki heprit haka pule puthi, plie ka Umroi Presbyterian skul ïa ka kamra class FLN
Nongpoh, Risaw 06: Shibynta ban ktik ïaka jingmut jingpyrkhat jong ki khynnah skul bad khamtam ban nang pynkiew ïaka jingwan jong ki khynnah sha skul, ka Umroi Presbyterian Higher Secondary School kawei naki skul kaba la paw haka thaiñ Umroi bad Ri-Bhoi ha kaba ïadei bad ka pule puthi bad kumjuh ruh ka kam ïalehkai sports, kala wanrah bad shna sa kawei ka kamra klas bala tip kum ka Foundation Literacy and Numeracy.
Ka skul kala ka la phai khmat ban wat ki lat lynti ba kumno yn nang pynbha ïaka pule puthi bad ban wan rah ïaka pule puthi kaba kham janai (Quality Education) katkum NEP 2020, kane ka skul ka la shna ïa ka kamra klas kaba kham kyrpang na ka bynta ban ïarap ïa ki khynnah klas Nursery haduh Class-III, kaba ngi tip kum ka Foundational Literacy & Numeracy, ban pynïoh ïaki jinghikai bala tip kum ka learning with Practical, activities based Teaching bad lyngba ki ICT (Information Technology) hakaba ïakane ka kamra klas la wan ban plie noh da ka kong Mary Lynrah, State Pedagogy Co-Ordinator, SSA-SEMAM haka jingïadonlang da ka kong P. L Nonglait DSEO Ri-Bhoi District, bah T. P. Tmung, Principal, A. Gogoi, Project Co-Ordinator, Bharti Foundation, bah Vincent Nianglang, District. Mission Co-Ordinator, SSA & SDSEO, Ri Bhoi District, Bah S. Kharshandi, Asst. Prof lem bad ki nonghikai bad ki khynnah skul.
Ka jingdon jong ka FLN class room kan ktik ïa ki jingmut jingpyrkhat jong ki khynnah bad kane kan wanrah ïa ka jingkiew ha ka jingwan jong ki khynnah sha ka school. Kane ka Kamra Klas FLN kan ai ka jinghikai kaba kham bha bad kaba paka ban seng nongrim ïa ka jinstad jong ki ba kin ioh ïa ka nongrim kaba khlaiñ khnang ba kin long ki khlur kiba paka ha kawei ka sngi.
Ha kane ka juh ka sngi ka school ka ka la pynlong ruh ïaka School Exhibition ha kaba ki kynnah ki hap ban pynkhreh ïa ka Model jong ki kat kum ka phang ba la buh ba kum ki khynnah skul ki la ïoh ïaka lad ban pyni shisha ïa kata ka sap jong ki lyngba katei ka exhibition.