Jowai, Risaw 06: U Deputy Commissioner (Supply), West Jaiñtia Hills, ula pyntip ba ïa u khaw NFSA (AAY, PHH) bad Non-NFSA na ka bynta u bnai Risaw, 2023 la dep pyllait sha baroh ki FP Shop dealers hapoh ka District kaba treikam naduh ka 10 tarik haduh 20 tarik u Risaw.
Ïa ka bhah u khaw Antyodaya Anna Yojna (AAY), yn sam ha ka jingthew kaba 35 kilo kawei ka AAY FI card khlem ka jingsiew ha sor bad ha nongkyndong.
Ïa u khaw Priority Household (PHH) kan long ha ka jingthew kaba 5 kilo shi khlieh khlem kano kano ka jingsiew na ka bynta ha nongkyndong bad ha sor.
Katba ïa ka bhah u Non-NFSA yn sam ha ka jingthew kaba 7.215 kilo shi ïing haka dor kaba la buh da ka Vigilance Committee ym dei ban tam ïa ka 14 tyngka shi kilo na ka bynta ha sor bad nongkydong.
U Deputy Commissioner (supply), u la bthah ïa baroh ki dukan rashon (Fair Price shops) kiba la ithuh ki dei ban leit shim ïa ki permits jong ki na ka ophis jong u Deputy Commissioner (Supply) bad ban pyndep ïa ka jingsam khaw hapoh ka 10th July, 2023, da kaba pyndonkam ïa ka online transaction e-Pos online mode ha ki jong ki jong ki center jong ki khlem pep.
