Ban pynlong ïa ka jylla Meghalaya kaba la nang la stad pura

Tura, Ïaiong 15: Ka Meghalaya ka la buh ïa ka thong jong ka ban ïoh ïa ka jingnang jingstad ba pura ha u snem 2030, da kaba ai bor thymmai ïa ka jinghikai ïa ki rangbah lyngba ka district-level ULLAS Festival kaba la pynlong ha Tura ha ka sngi Balang.
Ïa kane ka lympung la pynlong ha ka SMELC Building ha Dakopgre hapoh jong ka ULLAS bad ka phang pdeng (Ka jingsngewthuh ïa ka jingpule baroh shi jingim na ka bynta baroh ha ka imlang sahlang), ka la long ka sienjam kaba kongsan ha kaba pynïar ïa ki jingpyrshang ban hikai thoh bad pule ha kylleng ki jaka jong ka West Garo Hills.Ia kane ka prokram la pynlong da ka State Literacy Mission Authority (SLMA) ryngkat ka jingiatreilang bad ka Directorate of School Education and Literacy, hadien ka jingpynlait paidbah ïa ka state level ha nongbah Shillong.
Haba ai jingkren ha ka jingialang, u Myntri sorkar u Marcuise N. Marak u la batai ïa ka ULLAS kum ka “lad kaba ar” na ka bynta ki rangbah kiba la duh ïa ka jingpule, da kaba ban jur ba ka jingpule ka dei ban bteng ha ka jingim baroh kawei. U la pynpaw ba ka jingnang jingstad jong ka jylla mynta ka ieng ha ka 94.2%, bad ban iaid lait ïa ka 95% kan pynlong ïa ka Meghalaya kum ka jylla kaba la nang thoh nang tar pura.
U myntri u la pynpaw ruh ïa ka jingangnud jong ka sorkar ha ka pule puthi, da kaba kdew ba kane ka tnad ka la ïoh ?3,347 klur ha ka mang tyngka ba khatduh-kawei na ki jingmang pisa kaba heh tam hapdeng ki tnad. U la ong ba ka jylla ka thmu ban pynurlong ïa ka jylla kum ka jylla kaba kiew bha ha jingnang jingstad ha u snem 2030 hapoh ka jingialam jong u Myntri Rangbah ka Jylla u Conrad K. Sangma.
U Deputy Commissioner ka West Garo Hills u Vibhor Aggarwal u la ong ba ka prokram ULLAS ka ïaid sha kaba la palat jong ka pule puthi bad ka jingthoh ba sdang da kaba pynïasoh lang ïa ka jinghikai kam bad ka jingnang jingstad ha ka liang ka pisa tyngka, kaba ïarap ban pynphai biang ïa ka jingduna ha ka pule puthi kaba la slem bha ha ki jaka nongkyndong.
Ka jingthmu jong ka ULLAS, kaba sdang naduh u snem 2022 haduh u snem 2027, ka pynleit jingmut ha ki rangbah kiba la 15 snem shaneng bad ka kynthup ïa ki tiar hikai ba la shna kyrpang ha ki ktien Garo, Khasi, bad Jaiñtia ban pynbha ïa ka jingïoh bad jingïashim bynta.
Ha kane ka tamasa la rakhe ruh ïa ki jingjop jong ki nongpule kiba la san, kynthup ïa ki nongïashim bynta kiba la kham rangbah kiba la jop bha ïa ka Foundational Literacy and Numeracy Assessment Test (FLNAT).
La pynlong ïa ki jingpynsngewthuh paidbah, kynthup ïa ki reels bad ki video lyngkot, ban pynïar ïa ka jingpynbna shwa ka jingpeit bniah kaba hadien kaba la buh ban long ha ka 24 tarik u Iaiong.
Ki heh ophisar ki la ong ba ki jingpyrshang mynta ki dang ïaid shakhmat ban pynbun ïa ka jingïashim bynta katba ka Meghalaya ka dang pynsted ïa ka jingpynbor kaba khatduh ban ioh ka jingnang jingstad jong baroh.