Ban kyrshan pisa ïa ka skul yn pynlong Fete bad ïakob thei bhabriew ka ALMSS Nangbah

Jowai, Rymphang 03: Ka Albin Lamare Memorial Secondary School Nangbah kan sa pynlong ïa ka fete ïatur masi da ki masi ba pawnam jong ka Ri-lum Jaiñtia haka 8th bad 9th March, 2024 ha Madan Dukhu Nangbah na ka bynta ban pynmih fund ïa kane ka skul bad haka por janmeit kin don ruh ki show na ka team bad ki Actor naduh ka por 7 baje shaneng bad ka dor (tiket) bai rung ka long 100 tynka marwei.
La pyntip ba haka 9th tarik kan don ruh ka jingïakop thei bhabriew 1st Miss lakuthiñ ha Madan Dukhu Nangbah ha rynkat ki nong rwai ba paw kum Rock Band Homeland bad kiwei kiwei ki local artist ba paw bad kan sdang naduh ka por 7 baje Janmeit shaneng bad ki prize.
Na ka bynta ka tei ka jingïa kop thei bha briew ka long Kumne, Miss Lakuthiñ Rs. 35,000, First runner up Rs. 20,000, Second runner up Rs. 10,000 bad kin don ruh 5 tylli ki Consolation Prize 2000 tynka kawei. Na ka bynta ka bai Entry na ka bynta ki contestant ka long Rs. 500.00 tynka marwei.
Kumta la kyrpad ïa ki khun samla jong ka Ri-lum Jaiñtia kiba don ka sap ka talent ban ïa kop ha katei ka rynsan ba kin pynpoi ïa ka kyrteng ha lane shwa ka 20th February, 2024 .