Jowai, Rymphang 03: Ka office jong u General Manager, District Commerce & Industries Centre, Jowai ka khot sngewbha ïa baroh sha ka District Level Industrial Exhibition, ka ïew pyni tiar kaba ar (2) sngi ka ban long ha ka 7 tarik bad ka 8 tarik u Rymphang, 2024 ha phyllaw jong ka office u General Manager, District Commerce & Industries Centre, Mihmyntdu, Jowai.
Ha kane ka ïew kan sa don ruh ka jingpyni paidbah bad ka ïa thied ïa die ïa ki tiar ki tar, ki mar bam, ki mar ba bun jait ba la shna da ki briew bad ki seng ba la seng da ki hi, kiba don hapoh ka District bad kumjuh ruh na kiwei ki District.
Ïa katei ka ïaw ba ar sngi yn sa wan plie paidbah haka 7 tarik u Rymphang, 2024 da u Deputy Commissioner, West Jaiñtia Hills District u bah B. S Sohliya, IAS.
