Ban kyntiew ïa ka rep ka riang na la tynrai, yn lum jingïalang ki stad saïan ha Umïam

Shillong, Nailar 17: Ka Central Agricultural University (CAU) Imphal kan pynlong ïa ka jingïalang halor ka rep tynrai ne ka ‘Natural Farming: Pathways to Self-reliant Farming and Rural Prosperity (NCNF 2026)’ ka ban sdang naduh ka 9 tarik u Nailur haduh ka 11 tarik ha College of Post Graduate Studies in Agricultural Sciences (CPGSAS) Umïam, Ri-Bhoi.
Ka jingïalang halor ka rep tynrai kan kren shaphang ki jingïakhun halor ka jingkylla ka mariang, ka jingtuid noh ka khyndew, ka jingduh ki jait jingim, ka jingpynjaboh ïa ka sawdong sawkun bad ka jinghiar ka jingïoh jingmyntoi halor ka rep ka riang. Kane ka jingïalang la kyrmen ba kan ai ka rynsan ha ka ri ban sam bynta ïa ki jingwad bniah da ka saïan, ka jingïoh mad ha madan, ki rukom pyrkhat kam, ki jingshem thymmai ha ki bor technology bad kiwei khamtam ka jingpynneh ha ka kamrep kam riang ka ban long ka jingkiew ha ki thaiñ nongkyndong.
Ki jingïasyllok kin pynleit jingmut halor ki 6 tylli ki mat ba kongsan. Ka jingïalang kan pdiang sngewbha ruh ïa ki scientist, ki riew shemphang, ki ophisar sorkar, ki NGO, ki nongmihkhmat na ki karkhana, ki nongrep sengkam lajong ki postgraduate bad ki samla pule doktor, ki jingkiew ki nongrep, ki Farmer Producer Organization (FPOs), ki agency ba la ithuh bad kiwei ki nongshong shnong. La khmih lynti ba kin poi haduh 400-450 ngut ki ban ïashim bynta ha kane ka conference.
Ki jingaiti ïa ki kot ki sla bad ki jingpynrung kyrteng kin long lyngba ka website ka conference. Kito kiba kwah ban shim bynta ki lah ban leit sha ka email cpgsasncnf2026@gmail.com.