Nongstoiñ, K’lyngkot, 02: Kawei ka ïingbriew kaba dei jong ka kong Shellmera Mawlieh bad u bah Tisdrowell Hynñiewta ha ka sngi Palei ha ka por kumba 1:00 baje eiei nohphai sngi ka la shah bam duh ha ki thylliej ding kat haduh ba ym shym la ïohlad eiei shuh ban sei ïa ki jingdon jingem namar ka jingklang than jong ki thylliej ding.
La ong, katba ki trai ïing ki dang don kham pajih khyndiat na la ïing ban leit thung phan ha lyngkha hynrei tang hadien katto katne por haba ki la poi ha katei ka kper ki la ïohi kynsan ïa ka tdem kaba la mih na kamra thiah kumta mar mar ki la mareh ban leit ban pynlip hynrei namar ka jingklang palat kim shym la lah ban leh ei ei bad hadien kata la poi noh sa ka kali pynlip ding.
Ha kane ka jingjia ym shym la don kano kano ka jingjia kaba pynkthang mynsiem lait noh tang ka jingsngewsih namarba la duh lut khoit ïa ki jingdon jingem khamtam ki ksiar kiba kynthup ïa u locket ksiar, snohkti bad ki kot ki sla kiba donkam kum ki dulir khyndew bad ki kot kali.
