Balei yn sa wan ïaleh election noh ka Mamata ne ha kane ka Jylla? Buh jingkylli I Dr Ampareen

Shillong, Rymphang 16 : Ka nongaiktien jong ka National People’s Party (NPP), ka Dr. Mazel Ampareen Lyngdoh ka la buh jingkylli, balei ki seng nongwei ki kwah ban wan ïuhkjat ha kane ka Jylla, ha kaba ka la kyntu ïa ki paidbah ka Jylla ban long kiba husiar.Kane ka jingkren jong ka nongialam ka NPP ka long haba ther ïa ka jingkren u General Secretary ka All India Trinamool Congress (AITC), u Abhishek Banerjee uba la ong ha ka jingïalang jong ka TMC Tura, Ha ka por ba phi ñion ïa u budam uba don ïa ka shap jong 2 tylli ki syntiew kam dei tang ka ‘vote’ ba ai ïa ka TMC hynrei kadei ka ‘vote’ ba ai beit ïa ka Mamata Banerjee.
Ka Dr Ampareen ka la ong ba ka jingkren u Abhishek ka la pynpaw ïa ka jingshah ïaid lait jong u Dr Mukul Sangma ha ka TMC. “Sngewsynei ïa u Mukul bapli ba hakhmat jong u dang ong u briew kumta,” ka la bynrap.“Nga tharai u (Mukul) u don lang ha kata ka rally, shano ka khmat u buh haba kren kumta,” ka la ong bad bynrap ba kane ka jingleh jong ki seng kiba wan na shabar ka long kaba ma bha, ne ki shu kwah pynibor ba ki don ha kiwei ki Jylla.“Balei yn sa wan ïaleh election noh ka Mamata ne ha kane ka Jylla jong ngi?” la khyrwit ka nongïalam jong ka NPP. Ka Dr Amapareen ka la ong, “Nga ong ïa phi ki nongshong shnong jong ka Jylla jong ngi, jied ïa ka party lajong, wat bud ïa ki party nongwei kiba ai rongphong da ka rong ka jong ki.”