Ba shah pynduh tiket na ka UDP kynmaw myllung u Bah Bindo ïa u Dr Donkupar Roy

0

Shillong, Rymphang 06: U Chief Adviser ka United Democratic Party (UDP) u Bah Bindo M Lanong ha ka sngi Nyngkong u la kynmaw myllung ïa u Dr Donkupar Roy u nongïalam barim ka UDP namar u don ka jingburom ïa ki nongïalam party bad um salia ban ai tiket wat lada dei ba ym thikna ban jop ruh kum ka dak ka jingburom.
Haba kren sha ki lad pathai khubor hadien ba u la dep ban thep kyrteng kum u kyrtong shimet uban ïakhun na Nongkrem Constituency u la ong ba kane ka jingpynduh tiket ka UDP ïa u kum u nongseng ka UDP da kita ki nongïalam ba mynta kiba shu wan ïasoh hadien ba la sdang ka pyni ïa ka jingkhlem akor bad ka jingbym burom shuh ïa u kum u dkhot ba la rim tam bad uwei napdeng ki nongseng ïa kane ka party.
“Ngam lah ban klet ïa u Dr. Donkupar Roy (Bam Kwai Dwar U Blei) ba ha u snem 2008 u la ïasaid da kaba ong ba dang lah kaba duh ïa ka seat ne konstitwensi ban ïa kaba duh ïa u Bah Bindo haba don kiba wan pan tiket da kaba pynshoi ba ngan ym jop satia na Malki,” u la ong.
U Bah Bindo u la pynpaw ba um lah ban mutdur ba ka Party kaba u la pynheh pynsan kan leh beiñ ïa u watla u la don bynta bad ka UDP naduh ki snem 1997 hynrei mynta ka kynti ula shah pynduh tiket ha ki nongpynïaid ka Party kiba dang shu pynïasoh shen.
U la ong ba kane ka jingleh jong ka Party ban pynduh tiket ïa u kan sa ktah ïa ka Party bad ïa ki kyrtong ha kane ka elekshon ban wan namar ki paidbah ki tip mano kita ki briew kiba ïaleh politik ha ka iadei bad ka jingsam Ticket sha ki kyrtong.
U la bynrap ba kam pher un ïakhun ha kawei na ki shab ba u la pan kata ka trok bad ka wait.
Nalor kane u bah Bindo u kob ba ka UDP ha kane ka elekshon kan nym jop wat tang 10 Seat ruh namar bun ki MLA ha kane ka kynti kin shah rem noh.

Leave A Reply

Your email address will not be published.