Shillong, Kyllalyngkot 05: Ka Meghalaya Power Distribution Corporation Limited (MePDCL) kala phah da ka jingthoh sha ka kong Jernina Nongkhlaw, Lumparing Mynsain ha kaba la kynnoh ba la tynrah ïa u post electrict haduh ba un da kdiah naduh tynrai bad khyllem ha madan.
Ka MPDCL ha ka 2/Kyllalyngkot/2025 kala phah ïa ka jingthoh ba ka kali kaba don ïa u number ML-05J-0498 kala tynrah ïa u post electrict haduh ba u la kdiah bad khyllem ha surok ha Lumparing dong Mynsain.
Katkum ka shithi No. MePDCL /AEE/CDSD/TEC-04/2024-25/393 kala phah siew haduh T.1,09,544/- Tyngka khnang ba ka MePDCL kan thied bujli da u wei u post electrict ban pynbiang ha katei ka jaka ba la khyllem .
Ka MePDCL ha ka shithi kaba la phah sha katei ka kong kala ai ruh ïa ka account number ba don ha SBI kaba dei jong ka MePDCL kaba dei ha Shillong Branch ba katei ka kong kan leit ban siew.
Halor kane ka shithi na ka liang jong katei ka kong kala phah da ka jingthoh sha ka MePDCL ba kan nym siew ïa kane ka jingdawa, ha ka jingthoh kala kynnoh kylla ba u diengpost eleltrik u la bam sarang bad u khyllem ym ba ka tynrah da ka kali.
