Shillong, K’ Lyngkot 05: Ki pulit ka nongbah Shillong kila ïoh ban kem saw ngut ki khar Bangladesh na Anjalee Petrol Pump kiba la tip kyrteng kum u Akhtar Sheikh, ka Rupa Begum, Raju Ali 60 snem bad u Taijul Islam 27 snem.
Kine ki khar Bangladeshi ki la wan da kawei ka Tourist Taxi kaba don ïa u nombar ML-05X-6502 kaba la niah da u T N Sohshang, kine ki briew kila rung beaiñ sha India lyngba ka shnong Nongjri ka East Khasi Hills District.
Related Posts
Ha ka jingtohkit kine ki khar Bangladeshi ki la ïathuh ba ki la rung beaiñ sha Ri India da ka jingthmu ban leit sha ka Union Territory Jammu bad Kashmir, ka jingïoh kem ïa ki khar Bangladesh kiba mut leit sha kiwei ki jylla ka Ri India ka la jia bun sien ha kane ka jylla Meghalaya.
Sa kawei pat ka khubor ba la ïoh na ki pulit la ïathuh ba u Basishtha Thakuria u la phah ka jingujor ba ha ka 28 tarik u Nohprah, 2024, ki runar bym lah ban ithuh ki la tuh ïa kawei ka RRU kaba shongdor kumba T. 1.2 lak napoh u tower uba don ha ka shnong Bamil, Mangsang (EGH).