Ai jingmut u Deputy Commissioner ka Ri Bhoi ban bud ïa ki kyndon ban nym shah ktah na ka jingkhluit ka bor mariang

Nongpoh, Ïaiong 20: Na ka daw ka jingkiew kiew ka jingshit bad ka jingkhluit jong ka bor mariang kaba lah ban ktah ïa ka koit ka khiah ki paidbah ba ki hap ban phikir ïa lade, u Deputy Commissioner ka Ri Bhoi District mynta ka sngi u la pynmih ïa ki jingbthah paidbah ba hap ban bud ryntih khnang ban lait na ka jingshah ktah na kane ka jingkiew ka jingshit jingkhluit jong ka bor mariang.
U Deputy Commissioner ka Ri Bhoi u la pynmih ruh ïa ki jingbthah ne ki jingai jingmut ki kynthup ïa ka jingbthah na ka bynta ba kim dei ban mih shabar ha ka por ba shit kyrang ka sngi khamtam ha ka por 12 bahe mynsngi bad ha ka por 3 baje janmiet, dei ban dih thikna ka um bad phong da ki jain ba kham pyngngad ka met.
La btah ruh ïa ki paidbah ba ki hap ban don jingda ïa ka dur khmat bad ka met ha ka por ba ki mih shabar ha ka por ba dang shit ka sng bad ruh ban pyndonkam da ki shatri, phong juti ne slipar haba ki mih shabar.
Haba trei ba ktah ïa ki kam ki jam dei ban sangeh shuwa ha ka por 12 baje mynsngi bad kumjuh ha ka por 3 baje janmiet, ki paidbah ki dei ruh ban nym dih kyiad, ka sha, coffee, kino kino ki jingdih umsoh kiba lah ban pyrtyrkhong ïa ka met, dei ruh ban kiar ki jingbam ba sah miet bad ruh ym dei ban iehnoh ïa ki khun rit ne ki jingri ha poh ki Kali namar ka jingkiew palat ka jingshit bad ka jingkhluid ka bor mariang.
Lada ron kino kino kiba pang ba shitm ne kiba shah ktah na kane ka jingkiew ka jingshit ki dei ban leit mardor sha ki doctor ban ioh ka jingsumar bam ardor bad kumuyh ruh la pynshlur ruh ban shu dih da ki jingdih kiba shu shna hi ki umja, ki um sohjew, ORS bad kiwei kiwei kiba ïada na ka jingtyrkhong jong ka met.
Shuh shuh, kino kino kiba kynduh jingeh na kane ka jingkiew ka jingshit ki lah ruh ban wad jingïarap na ka District Emergency Operations Centre, DC ophis, ophis jojng u BDO bad donkam ruh ban bud ryntih ïa kine ki jingai jingmut ban lait na ka jingshah ktah ha kane ka jingkiew jong ka jingshit jingkhluid jong ka bor mariang.